Зінаіда Мікалаеўна Бярэзіна

Зінаіда Мікалаеўна Бярэзіна (нар. 21 мая 1950, в. Марозавічы Пінскага раёна Брэсцкай вобласці) — беларускі палітык.

Зінаіда Мікалаеўна Бярэзіна
Нараджэнне	21 мая 1950(1950-05-21) (73 гады) Марозавічы, Лапацінскі сельсавет, Пінскі раён, Пінская вобласць, БССР, СССР
Адукацыя	Санкт-Пецярбургскі дзяржаўны ўніверсітэт водных камунікацый[d] Пінскі дзяржаўны вышэйшы банкаўскі каледж[d]
Дзейнасць	палітык
Месца працы	Пінскдрэў
Узнагароды	ганаровая грамата Нацыянальнага сходу Рэспублікі Беларусь

Біяграфія

Скончыла Ленінградскі ордэна Працоўнага Чырвонага Сцяга інстытут воднага транспарту, інжынер-эканаміст. Пасля заканчэння Пінскага ўлікова-крэдытнага тэхнікума працавала бухгалтарам, старшым бухгалтарам Клецкага аддзялення Дзяржаўнага банка БССР, бухгалтарам Пінскага будаўніча-мантажнага ўпраўлення, бухгалтарам, старшым бухгалтарам, старшым інспектарам апошняга кантролю, крэдытным інспектарам, эканамістам аддзела фінансавання капіталаўкладанняў Пінскага аддзялення Дзяржаўнага банка БССР, намеснікам галоўнага бухгалтара, галоўным бухгалтарам праектнага інстытута «Саюзгіпрамеліяводгас», г. Пінск. Працавала эканамістам па планаванню заработнай платы, намеснікам начальніка эканамічнага ўпраўлення па фінансавай рабоце, начальнікам эканамічнага ўпраўлення — галоўным эканамістам, намеснікам генеральнага дырэктара па эканоміцы — начальнікам эканамічнага ўпраўлення, намеснікам генеральнага дырэктара па эканоміцы, дырэктар па эканоміцы і фінансах закрытага акцыянернага таварыства Холдынгавая кампанія «Пінскдрэў».

Выбіралася членам Савета Рэспублікі Нацыянальнага сходу Рэспублікі Беларусь 3-га склікання. Была намеснікам дэлегата ад Нацыянальнага сходу Рэспублікі Беларусь у Парламенцкай Асамблеі Арганізацыі па бяспецы і супрацоўніцтву ў Еўропе.

Узнагароды

Узнагароджана медалём «За працоўныя заслугі», Ганаровай граматай Нацыянальнага сходу Рэспублікі Беларусь.