Казуары (Casuarius) — сямейства бескілявых птушак атрада казуарападобных. 3 віды.
Пашыраны ў лясах Аўстраліі і блізкіх да яе астравоў.
Вышыня да 1,8 м, маса да 90 км. Пер’е рассуканае, чорнае. Дзюба сціснутая з бакоў. На галаве шлеманосага казуара рагавы выраст, які засцерагае ад шыпоў і калючак у час бегу. Крылы рудыментарныя. Ногі трохпальцыя, моцныя, унутраны палец з вострым кіпцюром для абароны. Бегаюць хутка, да 40 км/гадз., хутка плаваюць.
Кормяцца пладамі, насеннем, насякомымі.
Манагамы. Нясуць 3-8 яец. Наседжвае самец.
Знаходзяцца пад аховай.
