Канстанцін Арбелян
Канстанцін Агапаронавіч Арбеля́н (арм.: Կոնստանտին Օրբելյան; 29 ліпеня 1928 — 24 красавіка 2014) — армянскі піяніст, дырыжор, кампазітар. Народны артыст СССР (1979).
| Канстанцін Арбелян | |
|---|---|
| арм.: Կոնստանտին Օրբելյան | |
 | |
| Асноўная інфармацыя | |
| Дата нараджэння | 29 ліпеня 1928[1] |
| Месца нараджэння | |
| Дата смерці | 24 красавіка 2014[1] (85 гадоў) |
| Месца смерці | |
| Месца пахавання | |
| Краіна | |
| Альма-матар | |
| Музычная дзейнасць | |
| Прафесіі | дырыжор, кампазітар, джазмен, піяніст, музыкант, кінакампазітар |
| Інструменты | фартэпіяна |
| Грамадская дзейнасць | |
| Партыя | |
| Член у | |
| Узнагароды |
        |
| korbelian.com | |
 Медыяфайлы на Вікісховішчы | |
Біяграфія правіць
Канстанцін Арбелян нарадзіўся 29 ліпеня 1928 года ў Армавіры (паводле іншых звестак у Баку) у сям’і нашчадкаў армянскай княжацкай дынастыі Арбелян, кіраўнікоў Сюніка.
У раннім дзяцінстве ў яго выявіліся музычныя здольнасці і ён паступіў у школу для адораных дзяцей пры Бакінскай кансерваторыі, але пасля таго як у 1936 годзе былі рэпрэсаваныя яго бацькі, быў выключаны з гэтай школы і змушаны зарабляць піяністам у Бакінскім інстытуце фізкультуры і спартыўным таварыстве «Буравеснік».
У 1942 годзе яго ўзялі піяністам і акардэаністам у ваенны аркестр 8-га знішчальнага авіяцыйнага корпуса СПА. У 1943 годзе падчас гастроляў у Ерэване на таленавітага музыканта звярнуў увагу кіраўнік эстраднага аркестра Арменіі Арцемій Айвазян і запрасіў у свой калектыў, дзе з 1943 па 1952 гады ён працаваў спачатку ў якасці піяніста, а потым дырыжора.
З 1945 года спрабаваў сябе як кампазітар. Для аркестра рабіў апрацоўкі народных песень і складаў свае, першая з якіх — «Калыханка». У 1952 годзе паступіў у Музычнае вучылішча імя Р. А. Мелікяна (цяпер Ерэванскі дзяржаўны музычны каледж імя Р. Мелікяна), вучобу ў якім сумяшчаў з працай канцэртмайстра ў Ерэванскім тэатры оперы і балета.
У 1954 годзе з адзнакай скончыў вучылішча і паступіў у Ерэванскую кансерваторыю (скончыў у 1961 годзе па класе кампазіцыі ў Э. М. Мірзаяна).
У 1954 годзе арганізаваў на радыё інструментальны квінтэт. У 1956 годзе быў прызначаны дырыжорам і мастацкім кіраўніком Дзяржаўнага эстраднага аркестра Арменіі і, прапрацаваўшы на гэтай пасадзе 36 гадоў, вывеў яго ў лік вядучых джазавых калектываў СССР. З аркестрам гастраляваў больш чым у 40 краінах свету.
Неаднаразова запрашаўся ў якасці члена журы на міжнародныя джазавыя конкурсы. У 1992 годзе Канстанцін Арбелян з’ехаў у ЗША. Жыў і працаваў у Лос-Анджэлесе. Памёр 24 красавіка 2014 года ў Лос-Анджэлесе. Развітанне ў Ерэване адбылося 11 мая. Пахаваны ў пантэоне парка імя Камітаса.
Зноскі
- ↑ а б Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.
Літаратура правіць
- Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).