Каралеўскі пфальц
Пфальц (ням.: Pfalz) — умацаваная рэзідэнцыя (двор) правіцеля вобласці ў дзяржаве Каралінгаў, потым у Свяшчэннай Рымскай імперыі.
Пфальцы развіліся з бургаў, і пачалі распаўсюджвацца з паскарэннем працэсу феадалізацыі ў дзяржаве Каралінгаў, калі цэнтр гаспадарчага і грамадскага жыцця перамясціўся з горада ў феадальны двор. Так, кіраванне дзяржавай ажыццяўлялася з каралеўскіх двароў, а графствы (намесніцтвы кароны) пачалі атрымліваць свае назвы ад буйных феадальных двароў на іх тэрыторыі.
Пфальцы абавязкова забяспечваліся цырыманіяльнымі і культавымі памяшканнямі. Асаблівых умацаванняў не мелі, з выняткам прыгранічных, але так было толькі да сяр. 9 ст., калі пачасціліся набегі нарманаў.
Найбольш архітэктурна адметныя пфальцы ў Ахене (8 ст., будаваўся пры Карле Вялікім і Піпіне), Інгельхайме (дакончаны пры Людовіку Праведным).
Літаратура правіць
- Всеобщая история архитектуры. Т.4. — Л.-М., 1966. — 693 с. С.49—52.
Спасылкі правіць
На Вікісховішчы ёсць медыяфайлы па тэме Каралеўскі пфальц
