Карліс Рэйсанс

Караліс Рэйсанс (лат.: Kārlis Reisons, 26 красавіка 1894, Пабажы, Рыжскі павет — 17 ліпеня 1981, Адэлаіда, Аўстралія) — літоўскі архітэктар латышскага паходжання.

Карліс Рэйсанс
Дата нараджэння	26 красавіка 1894(1894-04-26)
Месца нараджэння	Пабажы[d], Pabaži Parish[d], Рыжскі павет[d], Ліфляндская губерня, Расійская імперыя
Дата смерці	17 ліпеня 1981(1981-07-17) (87 гадоў)
Месца смерці	Адэлаіда, штат Паўднёвая Аўстралія, Аўстралія
Грамадзянства	Літва
Альма-матар	Рыжская гімназія № 2[d]
Медыяфайлы на Вікісховішчы

Біяграфія

Скончыў Рыжскае рэальнае вучылішча і архітэктурны факультэт Пецярбургскага інстытута грамадзянскіх інжынераў.

У 1921 годзе вярнуўся ў Латвію, але, не знайшоўшы там працы, прыехаў у Шаўляй. У 1922—1930 гады архітэктар у Шаўляі, з 24 студзеня 1925 года Шаўляйскі гарадскі інжынер. Падрыхтаваў падручнікі «Сельскагаспадарчае будаўніцтва» (1926), «Глінянае будаўніцтва» (1928).

У 1930—1938 гадах Каўнаскі гарадскі інжынер, начальнік будаўнічага ўпраўлення. У 1938—1940 гадах займаўся прыватнай дзейнасцю. У 1932 годзе атрымаў літоўскае грамадзянства.

У першыя гады савецкай акупацыі разам з сям’ёй выехаў у Германію, але вярнуўся пасля нямецкай акупацыі Літвы. У 1941—1944 гадах Панявежскі гарадскі інжынер, мэр.

У 1944 годзе выехаў у Германію ў 1949 годзе эміграваў у Аўстралію, працаваў у аддзеле архітэктуры горада Адэлаіда.

Спраектаваныя будынкі і збудаванні

Каўнас:

• Будынак Ваеннага музея Вітаўта Вялікага (1931—1936, з Уладзімірам Дубянецкім і Казісам Крышчукайцісам);
• Пастамент помніка Свабоды;
• Будынак рэктарату Каўнаскай духоўнай семінарыі (1933);
• Сельскагаспадарчая палата (1933);
• Касцёл Уваскрэсення Хрыста (1933);
• Малы касцёл Уваскрэсення Хрыстова (1933);
• былы будынак Зямельнага банка (1934), цяпер галоўны корпус КТУ);
• Будынак таварыства «Малочны цэнтр» (1934, з Вітаўтасам Ландсбергісам-Жамкальнісам);
• Палац архіепіскапа-мітрапаліта (1935—1939);
• Евангелісцкая рэфармацкая царква (1937, недабудаваная);
• Будынак кааператыву Лятукіс (1938—1939).

Шаўляй:

• Помнік паўстанцам (1933);
• Фабрыка цукерак «Бірутэс»;
• Дом Венцлаўскіх з кінатэатрам, шмат індывідуальных праектаў дамоў.

У іншых месцах:

• Юрбаркаская туберкулёзная бальніца,
• Будынкі харчовай кампаніі «Kauno maistas» і склады кампаніі «Lietūkio» у Клайпедзе,
• Таўрагская бальніца (1932),
• Касцёл Прасвятой Марыі ва Ужунвежэі (1940).
• Гандлёвая школа ў Пасвалісе (1935), цяпер Гімназія імя Пятраса Вілейшыса

Галерэя

• 
  Курыя Ковенскай архідыяцэзіі
• 
  Цэнтральны корпус КТУ (былы Зямельны банк )
• 
  Палац Венцлаўскіх у Шаўляі
• 
  Вежа карыльёна ў Каўнасе
• 
  Мемарыяльная дошка ў Каўнасе

Спасылкі

• Biografija Архівавана 27 студзеня 2022.;
• Architektas Karolis Reisonas.