Карл Бош
Карл Бош (ням.: Carl Bosch; 27 жніўня 1874, Кёльн — 26 красавіка 1940, Гайдэльберг) — нямецкі хімік.
| Карл Бош | |
|---|---|
| Carl Bosch | |
 | |
| Дата нараджэння | 27 жніўня 1874[1][2][…] |
| Месца нараджэння | |
| Дата смерці | 26 красавіка 1940[1][2][…] (65 гадоў) |
| Месца смерці | |
| Месца пахавання | |
| Грамадзянства | |
| Бацька | Carl Friedrich Alexander Bosch[d] |
| Род дзейнасці | хімік, вынаходнік, навуковы работнік, інжынер, навуковы калекцыянер |
| Навуковая сфера | хімія |
| Месца працы | |
| Альма-матар | |
| Вядомы як | адзін са стваральнікаў працэсу Габера |
| Член у | |
| Прэміі |
прэмія Гётэ[d] (1939) |
| Узнагароды |
Нобелеўская прэмія па хіміі (1931) медаль Вільгельма Экснера[d] (1932) Bunsen Medal[d] (1918) Liebig Medal[d] (1919) |
 Медыяфайлы на Вікісховішчы | |
.svg){kind=small}
Біяграфія правіць
З 1894 па 1896 вучыўся металургіі і машынабудаванню ў Тэхнічным універсітэце ў Шарлотэнбургу. Вывучаў хімію ў Лейпцыгскім універсітэце і ў 1898 атрымаў доктарскую ступень за дысертацыю па праблемах арганічнай хіміі. У 1899 годзе Бош паступіў працаваць на «Бадэнскай анілінавай і содавай фабрыцы» (БАСФ) у Людвігсгафене-на-Рэйне. З 1907 узначальвае ў гэтай кампаніі эксперыментальную лабараторыю і працуе над удасканаленнем метаду фіксавання атмасфернага азоту. Пасля зліцця ў 1925 БАСФ і шасці іншых хімічных кампаній з утварэннем канцэрна «І. Г. Фарбэніндустры» Карл Бош быў прызначаны прэзідэнтам гэтага новага гіганцкага хімічнага аб’яднання. У 1935 Бош стаў старшынёй савета дырэктараў «І. Г. Фарбэніндустры», а ў 1937 — пераемнікам Макса Планка на пасадзе прэзідэнта Таварыства кайзера Вільгельма (цяпер — таварыства Макса Планка) і займаў гэтыя два пасты адначасова. У 1902 Карл Бош ажаніўся з Эльзай Шылбах. Ад гэтага шлюбу ў іх нарадзіліся сын і дачка.
Асноўныя працы правіць
Вывучэнне і ўдасканаленне метаду фіксавання атмасфернага азоту. Укараненне і развіццё метадаў высокага ціску ў хіміі. Распрацоўка метадаў каталізу пры вытворчасці метанолу і гідрагенізацыі вугалю.
Нобелеўская прэмія правіць
Нобелеўская прэмія па хіміі (1931), сумесна з Ф. Бергіусам «за заслугі па ўвядзенні і развіццю метадаў высокага ціску ў хіміі».
Памяць правіць
У гонар Карла Боша ў 2009 г. названы кратар на Месяцы.
Зноскі
- ↑ а б Carl Bosch // Encyclopædia Britannica Праверана 9 кастрычніка 2017.
- ↑ а б Carl Bosch // Brockhaus Enzyklopädie
- ↑ Deutsche Nationalbibliothek Агульны нарматыўны кантроль — 2012—2016. Праверана 30 снежня 2014.