Конахт
Ко́нахт (ірл.: Connacht, англ.: Connaught) — правінцыя на захадзе Ірландыі, якая аб’ядноўвае графствы Голуэй, Літрым, Мая, Раскоман і Слайга. Найбуйнейшыя населеныя пункты — Голуэй на поўдні і Слайга на поўначы, прычым толькі Голуэй з’яўляецца сапраўдным горадам. Насельніцтва 542 547 чалавек (3-е месца сярод правінцый; даныя 2011 года).
| Конахт | |||||
|---|---|---|---|---|---|
| ірл.: Connacht, англ.: Connaught | |||||
|
|||||
| Краіна |
 Ірландыя |
||||
| Статус | Правінцыя | ||||
| Уваходзіць у | |||||
| Уключае |
Графствы: Голуэй Літрым Мая Раскоман Слайга |
||||
| Найбуйнейшыя гарады | Голуэй і Слайга | ||||
| Афіцыйныя мовы | англійская, ірландская | ||||
| Насельніцтва (2011) |
542 547[2] (3-е месца) | ||||
| Шчыльнасць | 30,63 чал./км² (4-е месца) | ||||
| Канфесійны склад | Каталікі (87 %), пратэстанты (%) | ||||
| Плошча |
17 711 км² (3-е месца) |
||||
| Вышыня над узроўнем мора • Найвышэйшы пункт |
814 м |
||||
 |
|||||
| Часавы пояс | UTC+0 | ||||
| Код ISO 3166-2 | IE-C | ||||
 Медыяфайлы на Вікісховішчы | |||||
Конахт з’яўляецца кліматычна найбольш суровай, найменш урадлівай часткай Ірландыі. Сюды англічане ссылалі непакорлівых ірландцаў. Англійскі дыктатар Олівер Кромвель казаў пра бунтаўшчыкоў: «У пекла або ў Конахт». Найвышэйшым пунктам Конахта з’яўляецца гара Муілрэй (814 м), размешчаная ў графстве Мая. Найбуйнейшы востраў — Акіл — адначасова з’яўляецца найбуйнейшым у Ірландыі. Найбольшае возера — Лох-Корыб.
Конахт у літаратуры і фальклоры правіць
Менавіта ў Конахце адбываецца дзеянне адной з самых страшных ірландскіх казак пра ірландскага народнага філосафа Цёмным Патрыку — «Уладар варон»: бесталковыя сыны караля Конахта зло паджартавалі з чорнага ведзьмака Кромахі, уладаром варон, і той пракляў іх, прадказаўшы першаму прынцу, што той стане злодзеем, другому — што яго лёс стаць забойцам, трэцяму — вечна жыць у нястачы, а каралю-бацьку — бачыць, як гінуць яго сыны, і мучацца ад немагчымасці іх выратаваць. Ніхто з прыдворных мудрацоў не знайшоў сродку, як дапамагчы каралеўскім нашчадкам пазбегнуць страшнага лёсу. І тады прыйшоў з Данегола Цёмны Патрык і прапанаваў сваю дапамогу. Па яго парадзе першага сына адправілі вучыцца ў школу законаў — стаўшы суддзёй, ён мог беспакарана абкрадаць людзей. Другі паехаў вучыцца медыцыне — стаўшы ўрачом, ён мог не адказваць за смерці хворых. Трэці сын быў накіраваны ў семінарыю — як святар, ён мог есці дармавы хлеб і не адчуваць сябе зняважаным. Так каралеўскае сямейства было выратавана ад праклёну, а ўвесь Конахт — ад паганай славы[3].
У старажытнаірландскім цыкле легенд «Выкраданне быка з Куальнгэ» Конахт вядзе пастаянную барацьбу з каралеўствам Ульстэр (тады яно называлася Улад). Кароль Айліль і каралева Медб, якія кіруюць у Конахце, ненавідзяць уладскага караля-самадура Канхабара, а уладскі герой Конал заяўляе: «Не мінула дня, каб я не забіў хоць аднаго з конахтаў, не праходзіла ночы, каб я не зрабіў набегу на зямлю іх, і ні разу не спаў я, не падклаўшы пад калена галавы конахта.».
Гл. таксама правіць
Заўвагі правіць
- ↑ https://www.iso.org/obp/ui/#iso:code:3166:IE
- ↑ Province Connacht. Central Statistics Office (2011). Архівавана з першакрыніцы 26 мая 2013. Праверана 8 снежня 2013.
- ↑ Ирландские и валлийские сказки / Пер. Н. Шершевской. — М.: МНПП «Гендальф», 1993.
Спасылкі правіць
- Конно // Большая советская энциклопедия : в 66 т. (65 т. и 1 доп.) / гл. ред. О. Ю. Шмидт. — М. : Советская энциклопедия, 1926—1947.