Кузаўковыя

Кузаўковыя (Ostraciidae) — сямейства рыб з атрада іглабрухападобныя (Tetraodontiformes).

Кузаўковыя
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Надатрад:  Acanthopterygii Атрад:  Іголкабрухападобныя Сямейства:  Кузаўковыя
Міжнародная навуковая назва
Ostraciidae Rafinesque
Сістэматыка на Віківідах Выявы на Вікісховішчы ITIS   173235 NCBI   31025 EOL   5057 FW   127968

Апісанне

Даўжыня цела да 50 см (Lactophrys quadricornis), аднак растуць павольна. Цела пакрыта своеасаблівым «панцырам», які складаецца са зрослых шасцівугольных касцяных пласцін, і ў якім маюцца адтуліны для вачэй, рота, шчэлепаў, плаўнікоў і хваста. Хваставы плаўнік голы. Над вачыма, і за анальным плаўніком часта маюцца падобныя да рагоў атожылкі. Вочы могуць рухацца незалежна адзін ад аднаго. Для іх таксама характэрная своеасаблівая моцная «дзюба», утвораная зрослымі зубамі. Зубы канічныя, магутныя.

Скура голая, пакрыта сліззю, якая змяшчае яд — астрацыятаксін. Пры небяспецы, а таксама стрэсе, выдзяленне яду рыбамі ўзмацняецца, і ён паступае непасрэдна ў ваду. Пры ўтрыманні гэтых рыб у акварыумах, у абмежаваным аб'ёме вады, дадзеная асаблівасць можа прывесці да гібелі як самой рыбы, так суседніх з ёй рыб. Таксама дадзены яд дзейнічае на рыб мацней, чым на беспазваночных.

Афарбоўка можа быць самай разнастайнай, пераважна кідкая, часта з круглявымі плямамі розных памераў. У некаторых выяўлены палавы дымарфізм, а таксама мае месца змена афарбоўкі з узростам рыбы.