Кілійскае гірла

Кілійскае гірла — паўночны, найбольш шматводны рукаў дэльты Дуная.

Дэльта Дуная. Добра бачныя тры асноўных рукавы. Кілійская гарлавіна — самы паўночны з іх.

Праз Кілійскае гірла праходзіць каля 70 % агульнага сцёку ракі. Даўжыня 116 км, шырыня ад 0,6 да 1,2 км. У ніжняй частцы Кілійскае гірла разбіваецца на 25 галоўных і некалькі дзясяткаў другарадных рукавоў і праток. Вяснова-летняя паводка, восеньская межань. Ветравы нагон вады да Ізмаіла.

На Кілійскім гірле размешчаны парты Ізмаіл, Кілія, Вілкава (Украіна). Рэчышча абвалаванае для абароны сельскагаспадарчых угоддзяў ад затаплення падчас паводкі. З 2007 года з’яўляецца часткай глыбакаводнага суднаходнага ходу украінскага канала Дунай — Чорнае мора.

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 257. — 10 000 экз. — ISBN 985-11-0035-8. — ISBN 985-11-0144-3 (т. 8).