Ламанціны

Ламанціны (Trichechidae) — род водных млекакормячых атрада сірэн.

Ламанціны
Амерыканскі ламанцін
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Afrotheria Атрад:  Сірэны Сямейства:  Ламанціны (Trichechidae) Род:  Ламанціны
Міжнародная навуковая назва
Trichechus Gill, 1872
Арэал
Сістэматыка на Віківідах Выявы на Вікісховішчы ITIS   180684 NCBI   9778 EOL   34723 FW   36903

Даўжыня дарослых асобін дасягае 5 м, маса да 400 кг. Афарбоўка ад шэрай да чорна-шэрай. У адрозненне ад большасці млекакормячых ламанціны маюць 6 шыйных пазванкоў. Верхняя губа раздвоеная. Замест разцоў рагавыя пласціны. На ластах 3 сярэднія пальцы з пазногцепадобнымі капыткамі. Хваставы плаўнік закруглены.

Вядома 3 віды: амерыканскі ламанцін, амазонскі ламанцін, афрыканскі ламанцін. Пашыраны ламанціны каля берагоў Цэнтральнай Амерыкі, у р. Амазонка і яе эстуарыі, каля атлантычных берагоў трапічнай Афрыкі і басейне р. Нігер.

Жывуць ламанціны на марскіх мелкаводдзях, у вусцях і нізоўях рэк. Расліннаедныя жывёлы. Трымаюцца групамі. Нараджаюць 1 дзіцяня.

Усе віды знаходзяцца ў Чырвонай кнізе МСАП.

Спасылкі

• На Вікісховішчы ёсць медыяфайлы па тэме Ламанціны