Леанід Міхайлавіч Рашаль

Леанід Міхайлавіч Рашаль
Леанід Міхайлавіч Рашаль
	руск.: Леонид Михайлович Рошаль
Род дзейнасці	педыятр, хірург, палітык
Дата нараджэння	27 красавіка 1933 (90 гадоў)
Месца нараджэння	Ліўны, Лівенскі раён, Цэнтральна-Чарназёмная вобласць[d], РСФСР, СССР;
Грамадзянства	Расія;
Альма-матар	Расійскі нацыянальны даследчы медыцынскі ўніверсітэт імя М. І. Пірагова;
Член у	first Civic Chamber of the Russian Federation[d]; Грамадская палата Расійскай Федэрацыі другога склікання (2008—2010)[d];
Узнагароды і прэміі	; European of the Year[d] (2005) ; Prizvanie Prize[d]
	Медыяфайлы на Вікісховішчы

Леанід Міхайлавіч Рашаль (руск.: Леони́д Миха́йлович Роша́ль, нар. 27 красавіка 1933, Ліўны, Цэнтральна-Чарназёмная вобласць, РСФСР) — савецкі і расійскі педыятр і хірург, доктар медыцынскіх навук, прафесар, грамадскі дзеяч. Прэзідэнт НДІ неадкладнай дзіцячай хірургіі і траўматалогіі з 2015 года, дырэктар НДІ неадкладнай дзіцячай хірургіі і траўматалогіі (2003—2015). «Дзіцячы доктар свету» (1996).

Біяграфія правіць

Нарадзіўся ў сям’і ваеннага лётчыка ў горадзе Ліўны (цяпер — Арлоўская вобласць). Пасля заканчэння сярэдняй школы паступіў у 2-і МАЛДМІ імя Пірагова, які скончыў у 1957 годзе па спецыяльнасці «педыятрыя». У 1959—1961 гадах навучаўся ў ардынатуры на кафедры дзіцячай хірургіі ЦОЛІУУ. Затым працаваў у якасці дзіцячага ўчастковага ўрача.

У 1961—1981 гадах працаваў у Маскоўскім абласным навукова-даследчым клінічным інстытуце ў аддзяленні дзіцячай хірургіі, арганізаваў цэнтр хірургіі нованароджаных Маскоўскай вобласці. У 1964 годзе абараніў дысертацыю кандыдата медыцынскіх навук «Вострая інвагінацыя кішак у дзяцей», а ў 1970 годзе — доктарскую дысертацыю «Аддаленыя вынікі аднабаковых аперацый на лёгкіх у дзяцей».

З 1981 года стаў загадчыкам аддзялення неадкладнай хірургіі і траўмы дзіцячага ўзросту НДІ педыятрыі РАМН. У 1982 годзе прысвоена званне прафесара.

З 2003 года па 2015 год — дырэктар Маскоўскага НДІ неадкладнай дзіцячай хірургіі і траўматалогіі Дэпартамента аховы здароўя горада Масквы, з 2015 года — прэзідэнт НДІ неадкладнай дзіцячай хірургіі і траўматалогіі.