Максім Альбертавіч Багдасараў

Максім Альбертавіч Багдасараў (24 кастрычніка 1973, Ташкент, Узбекская ССР) — беларускі геолаг, доктар геолага-мінералагічных навук (2009), прафесар (2013), член-карэспандэнт Нацыянальнай акадэміі навук Беларусі (2017), загадчык кафедры геаграфіі і прыродакарыстання УА «Брэсцкі дзяржаўны ўніверсітэт імя А. С. Пушкіна».

Максім Альбертавіч Багдасараў
Дата нараджэння	24 кастрычніка 1973(1973-10-24) (50 гадоў)
Месца нараджэння	Ташкент, Узбекская ССР, СССР
Грамадзянства	Беларусь
Род дзейнасці	географ
Месца працы	Брэсцкі дзяржаўны ўніверсітэт імя А. С. Пушкіна
Навуковая ступень	доктар геолага-мінералагічных навук (2009)
Навуковае званне	прафесар (2013) член-карэспандэнт НАН Беларусі (2017)
Альма-матар	Брэсцкі дзяржаўны ўніверсітэт імя А. С. Пушкіна (1995)

Біяграфія

Нарадзіўся 24 кастрычніка 1973 года ў Ташкенце (Узбекская ССР). Бацька — Альберт Аляксандравіч Багдасараў (нар. 1935) — кандыдат геолага-мінералагічных навук, прафесар Брэсцкага дзяржаўнага педагагічнага інстытута імя А. С. Пушкіна.

У 1995 годзе з адзнакай скончыў факультэт прыродазнаўства Брэсцкага дзяржаўнага педагагічнага інстытута імя А. С. Пушкіна па спецыяльнасці «Геаграфія і біялогія»; у 1998 годзе — аспірантуру Інстытута геалагічных навук НАН Беларусі па спецыяльнасці «Агульная і рэгіянальная геалогія» з абаронай кандыдацкай дысертацыі (навуковы кіраўнік — акадэмік НАН Беларусi Аляксей Васілевіч Мацвееў); у 2008 годзе — дактарантуру Беларускага навукова-даследчага геолагаразведачнага інстытута па спецыяльнасці «Агульная і рэгіянальная геалогія» з рэкамендацыяй да абароны доктарскай дысертацыі па выніках папярэдняй экспертызы.

Навуковая дзейнасць

Аўтар звыш 300 навуковых прац, у тым ліку манаграфій: «Бурштын з антрапагенавых адкладаў Беларусі» (2001), «Выкапнёвыя смолы Беларусі» (2003), «Выкапнёвыя смолы Паўночнай Еўразіі» (2005), «Бурштын і іншыя выкапнёвыя смолы Еўразіі» (2010), а таксама каля 100 артыкулаў у часопісах і зборніках.

Сфера навуковых інтарэсаў: геалогія і мінералогія выкапнёвых смол, геалогія і мінерагенія чацвярцічных адкладаў Беларусі, археалагічная мінералогія, медыцынская геалогія, экагеалогія.

Член Беларускага геаграфічнага таварыства (1998).

Узнагароды

• стыпендыі Прэзідэнта Рэспублікі Беларусь (1999, 2011),
• прэмія НАН Беларусі для маладых вучоных (2005).

Спасылкі

• Национальная академия наук Беларуси > Члены-корреспонденты
• Максім Альбертавіч Багдасараў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
• Кафедра географии и природопользования БрГУ имени А. С. Пушкина Архівавана 23 верасня 2015.
• Электронный журнал ВАК Беларуси Выпуск № 3-4 / 2009 Архівавана 29 кастрычніка 2013.
• Электронный журнал ВАК Беларуси Выпуск № 2-3 / 2013 Архівавана 29 кастрычніка 2013.