Мацвей Сямёнавіч Галенда

Мацве́й Сямё́навіч Гале́нда (1894 — 4 лістапада 1936) — беларускі савецкі дзяржаўны дзеяч, намеснік старшыні Савета Народных Камісараў Беларускай ССР, старшыня Дзяржплана БССР (1933—1935), прафесар.

Мацвей Сямёнавіч Галенда
Першы намеснік Старшыні СНК Беларускай ССР жнівень 1933 — студзень 1935
Кіраўнік урада	Мікалай Галадзед
Пераемнік	Арцемій Любовіч
Нараджэнне	1894(1894)
Смерць	4 лістапада 1936(1936-11-04)
Партыя	Камуністычная партыя Беларусі
Адукацыя	Уральскі дзяржаўны ўніверсітэт імя А. М. Горкага (1924)
Навуковае званне	прафесар
Месца працы	Маскоўская сельскагаспадарчая акадэмія імя К. А. Ціміразева Беларускі дзяржаўны інстытут народнай гаспадаркі

Біяграфія

Член КП(б)Б з верасня 1916 года.

Скончыў Свярдлоўскі ўніверсітэт (1924).

У 1918 — 1921 гадах служыў у Чырвонай арміі.

З 1924 па 1929 гады быў намеснікам старшыні і старшынёй сельскагаспадарчай секцыі Дзяржплана СССР.

У 1929 — 1930 гадах дацэнт Ціміразеўскай сельгасакадэміі.

У 1930 — 1933 гадах член калегіі і намеснік наркама земляробства СССР.

У жніўні 1933 — студзені 1935 года — старшыня Дзяржплана БССР і адначасова намеснік Старшыні СНК БССР.

У 1933 — 1934 гадах узначальваў кафедру народнагаспадарчага планавання ў Беларускім дзяржаўным інстытуце народнай гаспадаркі.

12 студзеня 1935 года быў выключаны з партыі.

Арыштаваны 19 снежня 1935 года, прысуджаны да вышэйшай меры пакарання і расстраляны 4 лістапада 1936 года. 26 красавіка 1991 года быў рэабілітаваны.

Спасылкі

• Старшыні Дзяржплана і Дзяржэканомплана Беларускай ССР, Міністры эканомікі Рэспублікі Беларусь. Сайт Міністэрства эканомікі Рэспублікі Беларусь.