Машыніст (фільм, 1956)

«Машыніст» (італ.: Il ferroviere) — фільм італьянскага акцёра і рэжысёра П’етра Джэрмі.

Машыніст
італ.: Il ferroviere
Жанр	драматычны фільм
Рэжысёр	П’етра Джэрмі
Прадзюсар	Карла Понці[d]
Сцэнарыст	Luciano Vincenzoni[d] П’етра Джэрмі Alfredo Giannetti[d]
У галоўных ролях	П’етра Джэрмі Luisa della Noce[d] Sylva Koscina[d] Saro Urzì[d] Carlo Giuffré[d] Edoardo Nevola[d] Riccardo Garrone[d] Franco Fantasia[d] Gustavo Serena[d] Amedeo Trilli[d] Lina Tartara Minora[d] Antonio Acqua[d] Lilia Landi[d] Renato Terra[d]
Аператар	Leonida Barboni[d]
Кампазітар	Carlo Rustichelli[d]
Кінакампанія	Ente Nazionale Industrie Cinematografiche[d]
Працягласць	118 хв.
Краіна	Італія
Мова	італьянская мова
Год	1956
IMDb	ID 0049207
Медыяфайлы на Вікісховішчы

Сюжэт

Машыніст Андрэа Маркачы працуе са сваім памочнікам і сябрам Джыджы Ліверані на працягу трыццаці гадоў. Пасля працоўнага дня яны разам п’юць віно са сваімі сябрамі ў бары, які належыць былому чыгуначніку Уга. Андрэа жанаты з Сарай, і яго маленькі сын Сандра вельмі блізкі з ім; аднак у Андрэа ёсць праблемы з яго беспрацоўным сынам Марчэла і яго цяжарнай дачкой Джуліяй, якая была вымушана выйсці замуж за Рэната Боргі. У адзін з працоўных дзён Андрэа Маркачы на рэйкі перад цягніком выбягае самазабойца. Машыніст не паспявае спыніць цягнік і пераязджае самазабойцу. Маркачы адчувае сябе глыбока закранутым здарэннем і амаль сутыкаецца з іншым цягніком. Кіраўніцтва чыгуначнай кампаніі расследуе аварыю і здымае Андрэа з яго пасады. Прыгнечаны Андрэа адмаўляецца ўдзельнічаць у забастоўках італьянскіх машыністаў і выходзіць на працу, пасля чаго калегі пачалі называць яго штрэйкбрэхерам. Маркачы лаецца са сваёй сям’ёй, пасля чаго і Марчэла, і Джулія з’язджаюць з дому. Праз некаторы час другі сын, Сандра, наведвае свайго бацьку ў бары і просіць вярнуцца дадому. Напярэдадні Калядаў Андрэа збірае ўсю сям’ю разам і грае на сваёй гітары, пасля чаго памірае ў ложку.

У ролях

• П’етра Джэрмі — Андрэа Марачы
• Луіза Дэла Ночэ — Сара Марачы
• Сільва Кашчына — Джулія Марачы
• Сара Урдзі — Джыджы Ліверані
• Карла Джуфрэ — Рэната Боргі
• Эдуарда Невола — Сандра Марачы