Мост Манбіжу

Мост Манбіжу (ням.: Monbijoubrücke) — мост праз Шпрэе ў цэнтры Берліна, помнік архітэктуры.

Мост Манбіжу і Музей Бадэ. Каля 1904 г.

Мост Манбіжу і Музей Бадэ ў 2007 г., злева — новы паўночны пралёт моста

Мост быў пабудаваны ў 1898—1904 гг. адначасова з Музеем Бадэ, які ўзводзіўся на Музейным востраве Берліна. Архітэктар Эрнст фон Інэ распрацаваў праект падвойнага моста, які злучаў пляцоўку перад музеем на самым «носе» Музейнага вострава з двума берагамі Шпрэе. Мост Манбіжу павінен быў замяніць драўляны мост Ёхбрукке 1776 г.

Паўднёвая частка моста Манбіжу перакінута праз левы рукаў Шпрэе, які носіць назву Купферграбен, і ўпіраецца ў вуліцу Цум Купферграбен (ням.: Zum Kupfergraben), паўночная частка моста перасякае асноўны рукаў Шпрэе і пераходзіць у вуліцу Манбіжуштрасэ (ням.: Monbijoustraße). Абодва рукавы Шпрэе зліваюцца ў адно непасрэдна пад мостам Манбіжу.

У канцы Другой сусветнай вайны паўночная частка моста была падарвана нямецкімі войскамі, і некалькі дзесяцігоддзяў яе замяняў часовы мост. У 2007 г. гэты сегмент моста быў адбудаваны нанова ў якасці пешаходнага моста, і гістарычнае аблічча моста было адноўлена. Для патрэб суднаходства пры рэканструкцыі адмовіліся ад узвядзення сярэдняй апоры, якая існавала ў арыгінальным праекце.

Гл. таксама

• Палац Манбіжу, насупраць цяперашняга Музея Бадэ, знесены ў 1959 г.