Мясныя рады (Харлем)
Мясныя рады (Влеесхаль) (нідэрл.: Vleeshal) — помнік архітэктуры на цэнтральнай плошчы Харлема Гротэ-Маркт (нідэрл.: Grote Markt) у Нідэрландах. Будынак пабудаваны ў 1602—1603 гадах вядомым нідэрландскім архітэктарам Лівенам дэ Кеем.
.jpg)
Новы будынак мясных радоў, узведзены гарадскім архітэктарам Л. дэ Кеем, з’явіўся замест існаваўшага ў XVI стагоддзі невялікага мяснога рынку, памеры якога перасталі задавальняць патрэбы горада, які хутка рос. Будынак, у якім маглі размясціцца да 40 прадаўцоў, быў выкананы з дарагіх будаўнічых матэрыялаў і багата дэкараваны. Яго адкрыццё адбылося 1 лістапада 1604 года, і аж да 1840 года ён служыў па сваім прамым прызначэнні.
З 1840 па 1885 гады былыя Мясныя рады выкарыстоўваліся ў якасці склада гарадскога ваеннага гарнізона, пасля чаго былі ператвораны ў архіў, а пазней у гарадскую бібліятэку.
Цагляны будынак з’яўляецца прыкладам галандскага Рэнесанса. Яго элегантнае каляровае афармленне ўзыходзіць да больш ранніх цагляных пабудоў Балтыйскага рэгіёну, а абрысы ступеньчатых шчыпцоў прадугадваюць барочныя формы[1]. Фасад будынка ўвянчаны скульптурнымі выявамі бычыных галоў, якія нагадваюць аб шумным гарадскім мясным рынку мінулых стагоддзяў.
З 1950 года будынак з’яўляецца часткай музея Дэ Хален, філіяла музея Франса Халса, дзе размешчана калекцыя сучаснага жывапісу. Склеп будынка выкарыстоўваецца Археалагічным музеем Харлема.
Спасылкі правіць
На Вікісховішчы ёсць медыяфайлы па тэме Мясныя рады ў Харлеме
Зноскі
- ↑ Франческа Прина, Елена Демартини. 1000 лет мировой архитектуры. — М.: "Омега", 2008. — С. 173. — 430 с. — ISBN 978-5-465-01682-7.