Мікалай Ільясавіч Азаматаў

Мікалай Азаматаў
Мікалай Азаматаў
	30 снежня 2003 — 4 снежня 2009
Прэзідэнт	Аляксандр Лукашэнка
Кіраўнік урада	Сяргей Сідорскі
Папярэднік	пасада заснаваная
Пераемнік	Сяргей Гурулёў
Нараджэнне	1938; Адамій[d], Краснагвардзейскае сельскае пасяленне[d], Краснагвардзейскі раён, Адыгейская аўтаномная вобласць[d], Краснадарскі край, РСФСР, СССР;
Адукацыя	БДУ;
Дзейнасць	вынаходнік
Узнагароды	;

Мікала́й Ілья́савіч Азама́таў (нар. 1938 у ауле Адамій Чырвонагвардзейскага раёна, Краснадарскі край) — беларускі дзяржаўны дзеяч, першы старшыня Дзяржаўнага ваенна-прамысловага камітэта Рэспублікі Беларусь (2003—2009).

Біяграфія правіць

У 1967 годзе скончыў Беларускі дзяржаўны універсітэт. Член-карэспандэнт Міжнароднай акадэміі інфарматызацыі і Беларускай інжынерна-тэхнічнай акадэміі. Ганаровы радыст СССР.

У 1967—1976 — начальнік тэхнічнага бюро, вядучы інжынер, начальнік лабараторыі, намеснік начальніка, начальнік аддзела на Мінскім электрамеханічным заводзе.

У 1976—1987 — намеснік начальніка аддзялення, начальнік комплекснага тэматычнага аддзялення, першы намеснік дырэктара па навуковай рабоце — галоўны інжынер Навукова-даследчага інстытута сродкаў аўтаматызацыі.

У 1987—1998 гадах — першы намеснік генеральнага дырэктара па навуковай рабоце — галоўны інжынер НВА (з 1996 года ДНВА) «Агат» — першы намеснік дырэктара па навуковай рабоце — галоўны інжынер НДІ СА (з 1996 года ДП «НДІ СА»).

У 1998—2003 гадах — генеральны дырэктар ДНВА «Агат» — дырэктар ДП «НДІ СА», генеральны канструктар па аўтаматызаваным сістэмам кіравання і інфармацыйных тэхналогіях Міністэрства прамысловасці Рэспублікі Беларусь — генеральны дырэктар ДНВА «Агат» — дырэктар УП «НДІ СА».

30 снежня 2003 года прызначаны старшынёй утвораннага Дзяржаўнага ваенна-прамысловага камітэта Рэспублікі Беларусь.^[1]

4 снежня 2009 вызвалены ад пасады старшыні Дзяржаўнага ваенна-прамысловага камітэта ў сувязі з выхадам у адстаўку.^[2]

Навуковая дзейнасць правіць

Аўтар 69 навуковых прац, у тым ліку 12 вынаходак.

Узнагароды правіць

Узнагароджаны ордэнам «Знак Пашаны», ордэнам Айчыны III ступені, двума медалямі. Заслужаны работнік прамысловасці Рэспублікі Беларусь. Лаўрэат Дзяржаўнай прэміі Рэспублікі Беларусь у галіне навукі і тэхнікі (2002, у аўтарскім калектыве) — за працу «Распрацоўка, асваенне ў вытворчасці і экспартная пастаўка новага пакалення палявой аўтаматызаванай сістэмы кіравання групоўкай ракетных войск».

Зноскі

Спасылкі правіць

http://who.bdg.by/obj.php?kod=412(недаступная спасылка)

[1] Указ Прэзідэнта Рэспублікі Беларусь ад 30 снежня 2003 года № 600 «Аб прызначэнні М. І. Азаматава Старшынёй Дзяржаўнага ваенна-прамысловага камітэта Рэспублікі Беларусь» (руск.)

[2] Указ Прэзідэнта Рэспублікі Беларусь ад 4снежня 2009 года № 574 «Аб вызваленні М. І. Азаматава ад пасады Старшыні Дзяржаўнага ваенна-прамысловага камітэта Рэспублікі Беларусь» (руск.)

[1]

[2]