Мікалай Пятровіч Мігун

Мікалай Пятровіч Мігун (17 мая 1951, Докшыцы, Віцебская вобласць — 8 сакавіка 2014) — беларускі фізік. Доктар фізіка-матэматычных навук (1993). Медаль Францыска Скарыны (2009).

Мікалай Пятровіч Мігун
Дата нараджэння	17 мая 1951(1951-05-17)
Месца нараджэння	Докшыцы, Докшыцкі раён, Полацкая вобласць, БССР, СССР
Дата смерці	8 сакавіка 2014(2014-03-08) (62 гады)
Грамадзянства	СССР  Беларусь
Род дзейнасці	навуковец
Навуковая сфера	фізіка
Месца працы	Фізіка-тэхнічны інстытут НАН Беларусі Інстытут прыкладной фізікі НАН Беларусі
Навуковая ступень	доктар фізіка-матэматычных навук (1993)
Альма-матар	БДУ (1973)
Узнагароды

Біяграфія

Скончыў БДУ ў 1973 годзе. З 1976 года ў Фізіка-тэхнічным інстытуце, з 1980 года ў Інстытуце прыкладной фізікі Нацыянальнай акадэміі навук Рэспублікі Беларусь (з 1993 года намеснік дырэктара, у 2005—2014 гадах — дырэктар). Распрацаваў тэарэтычныя асновы гідрадынамікі неразбуральных метадаў кантролю пранікальнымі вадкасцямі, вызначыў асаблівасці працэсаў пераносу ў мікраструктурных вадкасцях.

Аўтар больш за 200 навуковых прац, сярод якіх шэсць манаграфій і навучальных дапаможнікаў. Найважнейшыя вынікі яго даследаванняў адлюстраваны ў першай у свеце манаграфіі па тэорыі з’яў і працэсаў, якія ляжаць у аснове капілярнай дэфектаскапіі «Уводзіны ў тэорыю капілярнага кантролю» (1988) і ў апублікаванай у Германіі манаграфіі «Theoretical principles of liquid penetrant testing» (1999).

Літаратура

• Мігун Мікалай Пятровіч // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).