Мір’ям Карпілава

Мір’ям Карпілава
Мір’ям Карпілава
Асабістыя звесткі
Дата нараджэння	1888
Месца нараджэння	Добрыя Мыслі, Мінск, Мінскі павет, Мінская губерня, Расійская імперыя;
Дата смерці	9 мая 1956
Месца смерці	Брыджпарт, акруга Фэрфілд[d], Канектыкут, ЗША;
Прафесійная дзейнасць
Род дзейнасці	пісьменніца

Мір’ям Карпілава (ідыш: מרים קארפילאוו; 1888, Мінск — 9 мая 1956, Брыджпарт, Канектыкут, ЗША) — яўрэйская пісьменніца. Папулярнымі былі яе раманы.

Біяграфія правіць

Нарадзілася ў мінскім прадмесці Добрыя Мыслі ў месяц тамуз, прыблізна ў ліпені, 1888 года. Бацькі, Эля і Хана, мелі 10 дзяцей. Бацька гандляваў лесам. Вучылася ў школах, потым вывучала фатаграфію. У 1905 пераехала ў ЗША. Жыла ў гарадах Нью-Ёрк і Брыджпарт. У Брыджпарце пасяліліся і яе браты. З 1906 выступае ў друку. У 1925 часова жыла ў Бостане. У 1926 выехала ў Палесціну, праз тры гады вярнулася ў Амерыку. Працавала рэтушоркай, падрысоўвала і размалёўвала здымкі пры цяжкіх умовах. Потым супрацоўнічала ў газеце «Форвэрц» (1930-я). Падтрымлівала левых сіяністаў (Паалей-Цыён). Яе погляды блізкі фемінізму.

Творчасць правіць

Ёй належыць некалькі соцень твораў у розных жанрах і родах: апавяданні, раманы, п’есы, вершы, артыкулы і інш. Творы з’яўляліся на старонках газет. Напісала больш 12 раманаў. Раман «Дзённік адзінокай…» меў два кніжныя выданні. Прыжыццёвыя кнігі:

драма «Ін ды штурэм тэг» (1909) — У дні буры
раман у лістах «Егудыс» (1911)
раман «Тагебух фун ан элэндэр мэйдл одэр дэр камф геген фрае лібэ» (1918; 2 выд. 1928, Рыга) — Дзённік адзінокай, або змаганне супраць свабоднай любові
раман «Брохэ, а клейн-штэтлдыке» (1923) — Броха з маленькага мястэчка
апавяданні «А провінц-цайтунг» (1929) — Правінцыйная газета

Пераклала на ідыш з рускай мовы «Іду Гайнэ» С. Юшкевіча.

Друкавалася ў газетах: Ды ідышэ фон, Ідышэр кемфэр, Дэр гройсэр кібіцэр, Дыс ідышэ фолк, Кундэс, Вархайт, Цукунфт, Фрае арбэтэр штымэ, Гэрэхтыкейт, Ідышэс тагеблат, Цайт^[en], Глайххейт, Хайнт, Тог^[en], Форвэрц, The Ladies’ Garment Worker.

Памяць правіць

У 2010-я гады з’яўляюцца пераклады на англійскую мову.

Спасылкі правіць

Ellen Kellman. «Miriam Karpilove». Jewish Women’s Archive.
Jessica Kirzane. Miriam Karpilove, Photographic Retoucherin
Jessica Kirzane. Miriam Karpilove’s FOMO
Rachel Papirmeister. MIRIAM KARPILOVE: A FEMINIST ANALYSIS
jhsgh.org
Yiddish Leksikon
Успаміны Дэвіда Карпілава, пляменніка

Творы