Нейт

Нейт (стар.-ег. nt) — старажытнаегіпецкая багіня вайны і палявання.

Нейт
Выява перыяду 26 дынастыі
багіня вайны і палявання.
Міфалогія	старажытнаегіпецкая
Пол	жанчына
Бацька	Нун
Маці	Мехурт
Муж	Хнум, Сет
Дзеці	Себек, Ра, Апоп
Медыяфайлы на Вікісховішчы

Іерагліфічнае імя:

Гісторыя

Нейт — адна з найбольш старажытных вядомых егіпецкіх багінь, культ якой узнік яшчэ ў дадынастычны перыяд і быў вядомы ў эпоху Пталемеяў. Найстаражытнейшая атрапаморфная выява Нейт была знойдзена ў пірамідзе Джосера. Яна з’яўлялася багіняй вайны, багіняй тварэння, багіняй-маці, што першай нарадзіла дзіця, і багіняй замагільнага свету, што клапацілася пра душы памерлых і дапамагала апранаць іх.

Звычайна Нейт атаясняюць з ніжнім Егіптам, дзе існаваў яе культавы цэнтр у Саісе. Аднак з 1 тысячагоддзя да н. э. атрыбуты Нейт усё часцей пераходзілі да багінь Ісіды і Хатхор. Старажытныя грэкі атаяснялі яе з багіняй Афінай.

Міфалогія

Нейт фігуравала ў ранніх міфах пра стварэнне сусвету як стваральніца першароднага ўзвышша пасярод вод Нун. Лічылася маці Ра і Амона. У міфе пра Асірыса назірае за яго муміфікацыяй. У міфе пра Хора і Сета абвяшчае, што атрымае Хор пасля перамогі.

Шанаванне

Галоўныя цэнтры шанавання: Саіс, Існа.

Вядомымі атрыбутамі Нейт былі перакрыжаваныя стрэлы, лук і стрэлы, шчыт, ткацкая рама. У магільне Тутанхамона выява Нейт была звязана з выявай змяі, што павінна была ахоўваць нябожчыка. Егіпцяне часцяком звярталіся ў малітвах да багіні як да нябеснай каровы, што раз на год нараджала сонца. Было прынята называць яе вялікай багіняй, маці або бабуляй багоў. Пра жрыц Нейт казалі, што яны адчыняюць усе шляхі.

Спасылкі

• Neith - Ancient History Encyclopedia
• Egyptian Gods: Neith Архівавана 26 студзеня 2014.