Палац Сапегаў (Львоў)

Пала́ц Сапе́гаў — помнік архітэктуры XVIII ст. ва Львове па вуліцы Каперніка, 40а.

Палац
Палац Сапегаў
Львоўскі палац Сапегаў
50°23′58″ пн. ш. 24°02′18″ у. д.
Краіна	Украіна
Горад	Львоў, вул. Каперніка, 40а
Тып будынка	жыллёвы
Архітэктурны стыль	барока
Заснавальнік	Леон Сапега
Дата заснавання	1867
Будаўніцтва	1867
Асноўныя даты
1972—1976 — рэканструкцыя
Медыяфайлы на Вікісховішчы

Гісторыя

Быў збудаваны ў 1867 годзе для князя Леона Сапегі паводле праекту архітэктара Адольфа Куна ў стылі французскага барока XVIII ст. (фр.: Châteauesque). Будынак двухпавярховы, з мезанінам, галоўны аб'ём мае ў плане форму квадрату, да якога прымыкае прамавугольны флігель. Манументальная агароджа з ажурнымі металічнымі варотамі аддзяляе парадны двор ад вуліцы. Сцены будынку вылучаюцца мяккаю пластыкаю, іхнюю паверхню ўпрыгожваюць рустыкація і выступы пілястраў, разкрыпоўка карнізаў і міжпавярховыя паясочкі.

Нашчадак старадаўняга літоўска-рускага роду Адам Сапега, які замовіў для сябе палац, быў адным з найбольш выбітных фундатараў чыгуначнага будаўніцтва ў Галіччыне. Будаўніцтва палаца абышлося практычна так сама дорага, як і будаўніцтва палаца Патоцкіх.

На месцы ўсходняга флігеля палаца, які быў знішчаны бомбай у гады II сусветнай вайны, пабудавалі сярэднюю школу № 9. У 1972 годзе паўстала пытанне пра разборку гэтага будынку.

Палац захаваўся выключна дзякуючы намаганням Львоўскае абласное арганізацыі Украінскага таварыства аховы помнікаў гісторыі і культуры. Таварыства выступіла з ініцыятываю рэстаўраваць яго за ўласныя сродкі. Да 1976 года адбывалася рэстаўрацыя за сяброўскія складкі і дабрачынныя ахвяраванні. Да цяперашняга часу ў ім размяшчаецца Львоўская абласная арганізацыя таварыства.

Літаратура

• Пам'ятники містобудівництва та архітектури Української ССР. — Київ: Будівельник, 1983—1986. — Т. 3. — С. 14.

Спасылкі

• Вуліца Каперніка Архівавана 28 верасня 2007.
• Почесному консульстві Казахстану ў Львові не віддадуть Палацу Сапєг(недаступная спасылка) (укр.)