Пётр Сямёнавіч Пішчымука

Пётр Сямёнавіч Пішчыму́ка (4 лютага 1879, Лубны, Палтаўская губерня, Расійская імперыя — 2 мая 1965) — савецкі вучоны ў галіне арганічнай хіміі. Член-карэспандэнт АН БССР (1940), доктар хімічных навук (1939), прафесар (1917).

Пётр Сямёнавіч Пішчымука
Дата нараджэння	4 лютага 1879(1879-02-04)
Месца нараджэння	Лубны, Любенскі павет[d], Палтаўская губерня, Расійская імперыя
Дата смерці	2 мая 1965(1965-05-02) (86 гадоў)
Род дзейнасці	хімік
Навуковая сфера	арганічная хімія
Месца працы	Новаалександрыйскі інстытут сельскай гаспадаркі і лесаводства[d] Харкаўскі нацыянальны аграрны ўніверсітэт імя В. В. Дакучаева
Навуковая ступень	доктар хімічных навук
Навуковае званне	член-карэспандэнт АН БССР (1940) прафесар (1917)
Альма-матар	Новаалександрыйскі інстытут сельскай гаспадаркі і лесаводства[d] (1904) Уроцлаўскі ўніверсітэт (1914)

Біяграфія

Скончыў Новаалександрыйскі сельскагаспадарчы інстытут (1904), Брэслаўскі ўніверсітэт (1914). З 1904 у Новаалександрыйскім, з 1916 — у Харкаўскім сельскагаспадарчым інстытутах, у 1928—1933 — загадчык аддзела Інстытута лясной гаспадаркі ў Харкаве, у 1943—1950 і 1957—1963 — загадчык кафедры Харкаўскага сельскагаспадарчага інстытута.

Навуковы ўклад

Устанавіў, што пры зброджванні амінакіслот дражджавымі і плесневымі грыбкамі атрымліваюцца як прамежкавыя прадукты спірты і складаныя эфіры. Распрацаваў сінтэз алкалоіду гардэніну.

Асноўныя працы

• Материалы к вопросу об анализе живицы // Лесохимическая промышленность. — 1934. — № 8(20) (разам з Л. І. Каркузакі)

Літаратура

• Пішчымука Пётр Сямёнавіч // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — С. 396. — 10 000 экз. — ISBN 985-11-0035-8. — ISBN 985-11-0198-2 (т. 12).

Спасылкі

• Пётр Сямёнавіч Пішчымука ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)