Пітэр дэ Малейн

Пітэр дэ Малейн (нідэрл.: Pieter de Molijn, 6 красавіка 1595, Лондан — 23 сакавіка 1661, Харлем) — нідэрландскі мастак-пейзажыст і гравёр Залатога веку галандскага жывапісу.

Пітэр дэ Малейн
Дата нараджэння	6 красавіка 1595(1595-04-06)[…]
Месца нараджэння	Лондан, Каралеўства Англія
Дата смерці	23 сакавіка 1661(1661-03-23) (65 гадоў)
Месца смерці	Харлем, Паўночная Галандыя, Рэспубліка Злучаных правінцый
Грамадзянства	Рэспубліка Злучаных правінцый
Бацька	Pieter Jansz. de Molijn[d]
Маці	Catalijnke Hendrixdr. van den Bossche[d]
Дзеці	Anthony Molijn[d]
Род дзейнасці	мастак-гравёр, мастак, рысавальнік, рэдактар, пейзажыст
Жанр	пейзаж
Уплыў на	Аларт ван Эвердынген
Член у	Харлемская гільдыя Святога Лукі[d]
Медыяфайлы на Вікісховішчы

Біяграфія

Нарадзіўся ў Англіі, аднак жыў і актыўна тварыў у Харлеме (Нідэрланды). Гісторыя не захавала звестак пра яго вучобу, верагодна, падарожнічаў па Італіі, але ўжо ў 1616 годзе яго імя згадваецца ў якасці майстра гільдыі Святога Лукі. У 1618 годзе здзейсніў падарожжа ў Рым. Пра яго далейшае жыццё і кар’еру вядома няшмат, але, відаць, ён жыў у Харлеме да самай смерці ў 1661 годзе.

Нідэрландскі гісторык мастацтва, мастак Арнольд Хоўбракен у кнізе «De groote schouburgh der Nederlantsche konstschilders en schilderessen» піша, што ў Пітэра дэ Малейна быў сын, таксама Пітэр — таленавіты мастак.

Малодшы Пітэр дэ Малейн з’ехаў у Італію, пасяліўся ў Рыме, дзе стаў членам таварыства мастакоў «Пералётныя птушкі» (Bentvueghels), падпісваў свае карціны псеўданімам Тэмпест (Pietro Tempesta). У асноўным, на сваіх карцінах адлюстроўваў сцэны палявання і анімалістычныя кампазіцыі ў стылі Франса Снейдэрса.

Развіццё яго паспяховай кар’еры было спынена пасля забойства жонкі, за якое ён правёў у генуэзскай турме 16 гадоў. У 1684 годзе быў выпушчаны на волю падчас абстрэлу горада Генуя французамі падчас рэлігійных войн. Збег у Парму, дзе пражыў да канца жыцця, працягваючы пісаць карціны.