Раман Бохвіц
Раман Бохвіц (каля 1843—1939) — арыстакрат, удзельнік паўстання 1863—1864 гадоў.
| Раман Бохвіц | |
|---|---|
.jpg) | |
 Радван | |
| Нараджэнне | каля 1843 |
| Смерць | 1939 |
| Месца пахавання | |
| Род | Бохвіцы[d] |
| Бацька | Фларыян Бохвіц |
| Маці | Паўліна з Маеўскіх[d] |
| Веравызнанне | каталіцтва |
| Бітвы | |
 Медыяфайлы на Вікісховішчы | |
Біяграфія правіць
.jpg)
Паходзіў са шляхецкага роду Бохвіцаў герба «Радван», якія аселі на Наваградчыне і Міншчыне, сын Фларыяна (1799—1856), уладальніка маёнтка Вашкоўцы, вядомага рэлігійнага пісьменніка, і Паўліны Маеўскай, пляменніцы маці Адама Міцкевіча. Маці ў 1861 г. мела дачыненне да дзейнасці таварыства, якое прапагандавала неабходнасць навучання для сялянскіх дзяцей, ліставалася з паўстанцам Вікенціем Клімовічам. Меў братоў Яна Отана (1835—1915), удзельніка паўстання 1863 г. — кіраўніка акругі, і Люцыяна (памёр да лістапада 1864). Каталік паводле веравызнання.
Каля 1870 г. ажаніўся з Казімірай, якая памерла ў 1875 г. З гэтага часу маёнтак Падароск перайшоў ва ўласнасць Бохвіцаў і заставаўся ў іх да пачатку Другой сусветнай вайны. Пасля смерці першай жонкі Бохвіц у 1880 г. ажаніўся з яе роднай сястрой Альжбетай Чачот.
У час паўстання, з 4 красавіка да сярэдзіны чэрвеня 1863 года, знаходзіўся сярод паўстанцаў у атрадзе Янкі Каваля, узначальваў невялікі аддзел у складзе шасці чалавек, затым адышоў ад паўстання і 22 верасня 1863 г. з’явіўся да ўладаў. Трапіў пад следства Мінскай губернскай следчай камісіі, якая разглядала ягоную справу з 2 лютага 1864 г. да 16 студзеня 1865 г. Паводле рашэння часовага палявога аўдытарыята ад 15 сакавіка 1865 г. і канфірмацыі галоўнакамандуючага Віленскай вайсковай акругі Патапава Бохвіц быў асуджаны на чатырохмесячнае зняволенне ў турме з далейшым утрыманнем пад пільным паліцэйскім наглядам.
Ягоны фотаздымак, выкананы ў Кракаве ў 1860 г., на якім Бохвіц выяўлены ў польскім кунтушы, трапіў у справы следчай камісіі і стаў прычынай разбіральніцтва за распаўсюджванне патрыятычных выяваў.
Спасылкі правіць
- Вольга Гарбачова. Паўстанцы 1863 года на фотаздымках Архівавана 30 красавіка 2022.