Руая (рака)
Руая (фр.: Roya, акс.: Roia, італ.: Roia) — рака ў Францыі і Італіі, упадае ў Лігурыйскае мора ў горадзе Вентымілья. Працякае па тэрыторыі французскага дэпартамента Прыморскія Альпы і італьянскай правінцыі Імперыя. Даўжыня ракі — 60 км, плошча басейна — 660 км², сярэдні расход ля вусця — 15 м³/с. Найбуйнейшы прыток — Бевера (правы).
| Руая | |
|---|---|
| фр. Roya | |
 Вусце ракі ў Вентымільі | |
| Характарыстыка | |
| Даўжыня | 60 км |
| Басейн | 660 км² |
| Расход вады | 15 м³/с (вусце, г. Вентымілья) |
| Вадацёк | |
| Выток | |
| • Месцазнаходжанне | Верхнія Альпы, перавал Коль-дэ-Тэнд |
| • Вышыня | 1871 м |
| • Каардынаты | 44°08′51″ пн. ш. 7°34′36″ у. д.HGЯO |
| Вусце | Лігурыйскае мора |
| • Месцазнаходжанне | Вентымілья |
| • Вышыня | 0 м |
| • Каардынаты | 43°47′19″ пн. ш. 7°36′23″ у. д.HGЯO |
| Ухіл ракі | 31,2 м/км |
| Размяшчэнне | |
| Водная сістэма | Міжземнае мора |
| Францыя | Праванс — Альпы — Лазурны Бераг |
| Італія | Лігурыя |
| Краіны | |
.png) |
|
  выток  вусце |
|
 Медыяфайлы на Вікісховішчы | |
.svg){kind=small}
Рака пачынаецца ў горным масіве Прыморскія Альпы на перавале Коль-дэ-Тэнд. У верхнім і сярэднім цячэнні хуткасць цячэння высокая, характар — бурны. Агулам рака падае на 1871 метр за 60 км, сярэдні ўхіл 31,2 м/км. Генеральны напрамак цячэння — поўдзень. Утварае глыбокую даліну, французская частка якой уваходзіць у склад нацыянальнага парку Меркантур.
На французскай тэрыторыі на рацэ стаяць гарады Танд і Брэй-сюр-Руая, а таксама вёскі Саорж і Фантэн. Пасля перасячэння мяжы рака працякае пасёлак Айроле і ўпадае ў Лігурыйскае мора ў горадзе Вентымілья. Уздоўж усёй ракі ад перавала Коль-дэ-Танд да Вентымільі ідзе швейцарска-французска-італьянская шаша Кунеа — Танд — Вентымілья.