Свята-Георгіеўская царква (Рагава)

Свята-Георгіеўская царква — колішні праваслаўны храм у в. Рагава (Мінскі раён).

Праваслаўны храм
Свята-Юр'еўская царква
54°07′34,97″ пн. ш. 27°18′09,67″ у. д.
Краіна	Беларусь
Вёска	Рагава
Тып будынка	драўляны
Архітэктурны стыль	беларускае народнае дойлідства
Заснавальнік	Мельхіёр Валадковіч
Дата пабудовы	1814 год

Гісторыя

Уніяцкая царква была пабудавана ў 1814 г. у цэнтры вёскі намаганнямі Мельхіёра Валадковіча, маршалка Вілейскага павета. Драўляная царква была адрамантавана ў 1844 годзе. Была зроблена новая страха, сцены ашалявалі дошкамі.

Прыход

• 1847 год — 889 вернікаў (423 мужчыны, 466 жанчын) з вёсак Рагава, Камкі, Касачы, Шчадроўшчына, Мідраўшчына, Галавачы, Пухлякі, Грыні, Даўбарова, Пральня і інш.
• 1864 год — 1757 вернікаў (885 мужчын, 902 жанчыны)

Капліца

Таксама пры мясцовых могілках у 1814 была пабудавана драўляная капліца, што мела прастол у імя св. Іаана Хрысціцеля.

Гл. таксама

• Праваслаўная царква раўнаапостальных Канстанціна і Алены

Спасылкі

• Метрические книги Роговской церкви