Свята-Успенская царква (Мілашавічы)

Свята-Успенская царква — праваслаўная царква ў Мілашавічах.

Праваслаўны храм
Свята-Успенская царква
51°39′23″ пн. ш. 27°55′58,10″ у. д.
Краіна	Беларусь
Аграгарадок	Мілашавічы
Канфесія	Беларуская праваслаўная царква
Епархія	Тураўская
Першае згадванне	1754
Будаўніцтва	1995

Размешчана па адрасу Гомельская вобл., агр. Мілашавічы, вул. Савецкая 84А.

Гісторыя

Першае згадванне пра царкву адносіцца да 1754 года, якая ў гэты час знаходзілася ў добрым стане. Тут служыў уніяцкі святар Рыгор Лісіцкі. Апекуном царквы быў віленскі біскуп Ігнацій Масальскі, які ў 1776 годзе падараваў царкве дворышча Курандыч. У 1795 годзе царква стала праваслаўнай.

У 1814 годзе старую царкву разабралі і на тым жа месцы пабудавалі новую ў форме падоўжанага крыжа з трыма купаламі.

У 1819 годзе ў прыход уваходзілі вёскі Мілашавічы, Баравое, Убарць. Метрычныя кнігі захоўваліся з 1798 года.

У 1843 на сродкі памешчыка Анатоля Булгака царква была адрамантавана. Паводле «Апісання цэркваў і прыходаў Мінскай епархіі» 1879 года Свята-Успенская царква была драўляная, не абагравалася, мела форму падоўжанага крыжа. Дах гонтавы. Іканастас складаўся з больш чым 40 абразоў. У званіцы, якая стаяла асобна, меліся чатыры званы каля 54, 40, 24, 2,5 кг кожны. На прыходскім пагосце была капліца. У 1886 царква і званіца адрамантавана. У 1909 на сродкі прыхаджан пабудавалі новую царкву. Пры царкве дзейнічала аднокласная царкоўнапрыхадская школа.

У 1930 годзе царкву закрылі і аддалі пад клуб.

У 1995 пабудавалі новую царкву.

Былой будынак царквы

Характэрыстыка

Драўляная царква са званіцай над уваходамі і шлемападобным купалам пасярэдзіне.

Літаратура

• Кніга памяць «Лельчыцкі раён» — с. 570

Спасылкі

• царква на сайце Тураўскай епархіі
• Свята-Успенская царква (Мілашавічы) на сайце Глобус Беларусі (руск.)