Вікіпедыя

Сезар Торэс Марцінес

Сезар Торэс Марцінес (ісп.: César Torres Martínez; 1905 — 14 лістапада 1988) — іспанскі палітычны і дзяржаўны дзеяч. У перыяд Другой рэспублікі быў грамадзянскім губернатарам Луга, Альмерыі, Авілы, Хаэна і Гранады.

Сезар Торэс Марцінес
Нараджэнне 1905
Смерць 14 лістапада 1988(1988-11-14)
Партыя
Дзейнасць палітык
Лагатып Вікісховішча Медыяфайлы на Вікісховішчы

Біяграфія правіць

Нарадзіўся ў Галісіі.

Вывучаў права ва ўніверсітэце Сант’яга-дэ-Кампастэла. Далей працаваў юрыстам. З юнацтва быў членам Аўтаномнай галісійскай рэспубліканскай арганізацыі, заснаванай Сант’яга Касарэсам Кірога[1], з якім падтрымліваў цесныя сяброўскія адносіны[2]. Пазней уступіў у партыю Рэспубліканская левая[3].

У гады Другой рэспублікі быў грамадзянскім губернатарам правінцый Луга, Альмерыя, Авіла і Хаэн[2].

У чэрвені 1936 года прызначаны грамадзянскім губернатарам Гранады. Гэтую пасаду займаў да пачатку грамадзянскай вайны[4]. Ужо 20 ліпеня арыштаваны мяцежнымі вайскоўцамі і заключаны ў турму[5].

Асуджаны ваенна-палявым судом[6] да больш чым трыццаці гадоў турмы[7]. Таксама быў пазбаўлены права займацца адвакацкай дзейнасцю[1]. У студзені 1944 года вызвалены ўмоўна-датэрмінова[8].

Вярнуўся ў родную Галісію, дзе ў 1954 годзе стаў членам савета дырэктараў Banco de Vigo[9].

Прыватнае жыццё правіць

Двойчы быў у шлюбе: з Жазефінай Дыяс Торэс (1933) і Эльвірай Габерна Лага (1954).

Крыніцы правіць

  1. ↑ а б Múgica Melgar 2009, с. 62.
  2. ↑ а б Gibson 1981, с. 67.
  3. ↑ Gómez Oliver 2007, с. 303.
  4. ↑ Gibson 1981, с. 67—68.
  5. ↑ Aróstegui 2006, с. 69.
  6. ↑ Juliá 2004, с. 328.
  7. ↑ Gibson 1981, с. 108—109.
  8. ↑ Gil Bracero 1998, с. 21.
  9. ↑ Múgica Melgar 2009, с. 69.

Літаратура правіць

  • Aróstegui, Julio (2006). Por qué el 18 de Julio...y después. Flor del Viento Ediciones. 
  • Gibson, Ian (1981). El Asesinato de Federico García Lorca. Barcelona: Editorial Bruguera. 
  • Gil Bracero, Rafael (1998). Revolucionarios sin revolución: marxistas y anarcosindicalistas en guerra: Granada-Baza, 1936-1939. Universidad de Granada. 
  • Gómez Oliver, Miguel (2007). José Palanco Romero: la pasión por la "res pública". Universidad de Granada. 
  • Juliá, Santos (2004). «República y Guerra Civil». Historia de España Menéndez Pidal 40 (Espasa-Calpe). 
  • Múgica Melgar, José Luis (2009). Banco de Galicia. Orígenes, evolución y extinción. Bubok. 
Узята з "https://be.wikipedia.org/w/index.php?title=Сезар_Торэс_Марцінес&oldid=4725313"