Серж Палякоў

Серж Палякоў (фр. Serge Poliakoff, пры нараджэнні Сяргей Геаргіевіч Палякоў; 8 студзеня 1900, Масква — 12 кастрычніка 1969, Парыж) — французскі жывапісец, графік, кераміст; выхадзец з Расіі.

Серж Палякоў
фр.: Serge Poliakoff
Род дзейнасці	мастак, дзеяч выяўленчага мастацтва
Дата нараджэння	8 студзеня 1900(1900-01-08)[…] ці 8 студзеня 1906(1906-01-08)
Месца нараджэння	Масква, Маскоўская губерня, Расійская імперыя
Дата смерці	12 кастрычніка 1969(1969-10-12)[…]
Месца смерці	Парыж, рэгіён Іль-дэ-Франс, Метраполія Францыі, Францыя
Месца пахавання	Сент-Жэнеўеў-дэ-Буа[d]
Грамадзянства	Расійская імперыя  СССР  Францыя
Альма-матар	Акадэмія дэ ла Гранд Шам’ер[d]
Узнагароды і прэміі	прэмія Кандзінскага (1947)
Медыяфайлы на Вікісховішчы

Біяграфія

Сын кіргізскага конезаводчыка, быў трынаццатым з чатырнаццаці дзяцей. Вучыўся жывапісу ў Маскве, у Маскоўскім вучылішчы жывапісу, разьбярства і дойлідства. У 1918 годзе пакінуў Расію, у 1920 годзе прыбыў у Канстанцінопаль, у 1923 годзе — праз Сафію, Бялград, Вену і Берлін дабраўся да Парыжа. Іграў на гітары ў парыжскіх кабарэ. У 1929 годзе паступіў у акадэмію «Гранд-Шам’ер», у 1935—1937 гадах вучыўся ў Лондане ў Мастацкай школе Слейд.

Пазнаёміўся з В. В. Кандзінскім, Соняй і Раберам Дэланэ, Ота Фрэйндліхам, пад іх уплывам прыйшоў да нефігуратыўнага жывапісу. Першая персанальная выстава адбылася ў 1945 годзе. У 1947 годзе навучаўся ў Жана Дэроля. У тым жа годзе ўдастоены прэміі Кандзінскага. У 1962 годзе працам Палякова была адведзена зала на Венецыянскай біенале, у тым жа годзе атрымаў грамадзянства Францыі. Аказаў моцны ўплыў на працы Армана.

Памёр у Парыжы ў 1969 годзе.