Соневыя

Соневыя, або соні (Gliridae, або Myoxidae) — сямейства млекакормячых атрада грызуноў.

Соневыя
Арэшнікавая соня
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Euarchontoglires Грандатрад:  Glires Атрад:  Грызуны Падатрад:  Вавёркападобныя Сямейства:  Соневыя
Міжнародная навуковая назва
Gliridae Muirhead, 1819
Сістэматыка на Віківідах Выявы на Вікісховішчы ITIS   584940 NCBI   30650 EOL   8699 FW   41578

Апісанне

Вядомы з алігацэну (каля 35 млн гадоў назад). Адрозніваюць 7—8 родаў, 17 відаў (соня лясная, соня-палчок, соня садовая, соня арэшнікавая і інш.).

Даўжыня цела да 20 см, хваста да 17 см, маса да 180 г. Футра густое, мяккае. Хвост у лясных відаў густа апушаны, у наземных паўголы.

Пашыраны ў лясах і лесастэпах Еўразіі, лясах і саваннах Афрыкі, у Японіі. Жывуць у гнёздах, дуплах, норах. На зіму ўпадаюць у спячку.

Кормяцца пладамі, насеннем, насякомымі, яйкамі птушак. Нараджаюць да 10 дзіцянят.

Гл. таксама

• Selevinia betpakdalaensis

Літаратура

• Самусенка Э. Р. Со́ні, соневыя // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 85—86. — 10 000 экз. — ISBN 985-11-0035-8. — ISBN 985-11-0251-2 (т. 15).
• Сони (руск.) — артыкул з Вялікай савецкай энцыклапедыі