Сусветная выстаўка (1855)

Сусветная выстаўка прац прамысловасці, сельскай гаспадаркі і вытанчаных мастацтваў (фр. Exposition Universelle des produits de l’Agriculture, de l’Industrie et des Beaux-Arts) — другая па ліку сусветная выстаўка і першая, праведзеная ў Парыжы.

Палац індустрыі ў Парыжы.

Парыжская выстаўка праходзіла на Елісейскіх палях з 15 мая па 15 лістапада 1855 года пад патранажам прынца Напалеона і была прызвана перасягнуць па размаху сваю лонданскую папярэдніцу.

Павільёны 34 краін займалі тэрыторыю ў 16 га. У якасці адказу на лонданскі Крыштальны палац у Парыжы быў узведзены Палац індустрыі, на месцы якога ў 1900 годзе збудавалі Гран-пале. Нароўні са спаборніцтвамі на прамысловую і аграрную тэматыку праводзіўся конкурс сярод мастакоў-акадэмістаў, які судзілі такія майстры, як Дэлакруа і Энгр.

Падлічана, што выстаўку наведала звыш 5 мільёнаў чалавек і тым не менш яна не прынесла прыбытак арганізатарам. Адным з яе вынікаў стала ўвядзенне сістэмы класіфікацыі бардоскіх вінаў.

Спасылкі

• На Вікісховішчы ёсць медыяфайлы па тэме Сусветная выстаўка 1855