Сяргей Ісаевіч Утачкін

Сяргей Ісаевіч Утачкін (руск.: Серге́й Иса́евич У́точкин; 30 чэрвеня 1876 [12 ліпеня 1876], Адэса — 31 снежня 1915 [13 студзеня 1916], Петраград) — адзін з першых рускіх авіятараў і лётчыкаў-выпрабавальнікаў; шматбаковы і таленавіты спартсмен — фехтавальшчык, плывец, яхтсмен, баксёр, футбаліст, вела-, мота- і аўтагоншчык пачатку XX стагоддзя. Вялікія заслугі Утачкіна ў папулярызацыі авіяцыі ў Расійскай імперыі ў 1910—1914 гады. Ён здзейсніў дзясяткі дэманстрацыйных палётаў у многіх гарадах Расійскай імперыі. Яго палёты назіралі будучыя вядомыя лётчыкі і авіяканструктары: У. Я. Клімаў і С. У. Ільюшын (у Маскве), Г. М. Бярыеў, М. М. Палікарпаў (у Арле), А. А. Мікулін і І. І. Сікорскі (у Кіеве), С. П. Каралёў (у Нежыне), П. В. Сухі (у Гомелі), П. М. Несцераў (у Тыфлісе) і інш.

Сяргей Ісаевіч Утачкін
Агульная інфармацыя
Пол	мужчынскі пол
Спецыялізацыя	футбол і веласпорт
Нарадзіўся	30 чэрвеня (12 ліпеня) 1876 Адэса, Адэскі павет, Херсонская губерня, Расійская імперыя
Памёр	31 снежня 1915 (13 студзеня 1916) (39 гадоў) Петраград, Расійская імперыя
Пахаванне	Мікольскія могілкі Аляксандра-Неўскай лаўры[d]
Грамадзянства	Расійская імперыя
Медыяфайлы на Вікісховішчы