Сяргей Уладзіміравіч Краўцоў

Сяргей Уладзіміравіч Краўцоў (нар. 12 чэрвеня 1975, в. Сычман Рагачоўскага раёна Гомельскай вобласці) — беларускі спецыяліст у галіне сельскай гаспадаркі, дэпутат Палаты прадстаўнікоў Нацыянальнага сходу Рэспублікі Беларусь. Кандыдат сельскагаспадарчых навук, дацэнт.

Сяргей Уладзіміравіч Краўцоў
Нараджэнне	12 чэрвеня 1975(1975-06-12) (48 гадоў) Сычман, Рагачоўскі раён, Гомельская вобласць, БССР, СССР
Адукацыя	Беларуская дзяржаўная сельскагаспадарчая акадэмія Рэспубліканскі інстытут вышэйшай школы Акадэмія кіравання пры Прэзідэнце Рэспублікі Беларусь
Навуковая ступень	кандыдат сельскагаспадарчых навук
Дзейнасць	палітык
Месца працы	Навукова-практычны цэнтр НАН Беларусі па земляробстве
Узнагароды

Біяграфія

Скончыў Беларускую сельскагаспадарчую акадэмію, Рэспубліканскі інстытут вышэйшай школы, Акадэмію кіравання пры Прэзідэнце Рэспублікі Беларусь.

Працаваў аграномам, малодшым навуковым супрацоўнікам, навуковым супрацоўнікам, старшым навуковым супрацоўнікам, вядучым навуковым супрацоўнікам, загадчыкам аддзела насенняводства і тэхналогіі вытворчасці кармавых культур, дырэктарам Гомельскай абласной сельскагаспадарчай доследнай станцыі Нацыянальнай акадэміі навук Беларусі.

Выбіраўся дэпутатам Рагачоўскага раённага Савета дэпутатаў 26-га і 27-га скліканняў, дэпутатам Гомельскага абласнога Савета дэпутатаў 28-га склікання, дэпутатам Палаты прадстаўнікоў Нацыянальнага сходу Рэспублікі Беларусь сёмага склікання.

27 сакавіка 2023 года прызначаны генеральным дырэктарам Навукова-практычнага цэнтра Нацыянальнай акадэміі навук Беларусі па земляробстве.

Узнагароды

Узнагароджаны медалём «За працоўныя заслугі».