Тамара Барысаўна Варфаламеева

Тамара Барысаўна Варфаламе́ева (24 чэрвеня 1944, в. Малое Сцяпанава, Касалапаўскі раён, Рэспубліка Марый Эл) — беларускі этнамузыколаг. Кандыдат мастацтвазнаўства (1983).

Тамара Барысаўна Варфаламеева
Дата нараджэння	24 чэрвеня 1944(1944-06-24) (79 гадоў)
Месца нараджэння	Малое Сцяпанава[d], Касалапаўскі раён[d], Марыйская АССР, РСФСР, СССР
Грамадзянства	СССР  Беларусь
Род дзейнасці	музычны этнограф
Месца працы	Інстытут мастацтвазнаўства, этнаграфіі і фальклору імя Кандрата Крапівы НАН Беларусі
Навуковая ступень	кандыдат мастацтвазнаўства (1983)
Альма-матар	Беларуская дзяржаўная кансерваторыя імя А. В. Луначарскага (1970)
Член у	Беларускі саюз кампазітараў
Прэміі	Спецыяльная прэмія Прэзідэнта Рэспублікі Беларусь дзеячам культуры і мастацтва (2014)

Біяграфія

Скончыла ў 1970 годзе Беларускую кансерваторыю. З 1981 года ў Інстытуце мастацтвазнаўства, этнаграфіі і фальклору АН Беларусі.

Члены Беларускага саюза кампазітараў ‎з 1981 года.

Навуковая дзейнасць

Даследуе гісторыю, тэорыю і эстэтыку беларускага музычнага фальклору, яго сістэмную тыпалогію і арэальныя стылявыя характарыстыкі, палеагеаграфію і этнамузычную дыялекталогію. У сферы практычнай фалькларыстыкі выступае па пытаннях экалогіі традыцыйнай культуры.

Творы

• Пахаванні. Памінкі. Галашэнні: [Муз. раздзел]. Мн., 1986;
• Северобелорусская свадьба: Обряд, песенно-мелодич. типы. Мн., 1988; Традыцыйныя вяселлі Віцебшчыны. Мн., 1988;
• Вяселле: Мелодыі. Мн., 1990 (у сааўтарстве); Традыцыйнае вяселле Гродзеншчыны. Мн., 1992.

Літаратура

• Алейнікава Э. А. Варфаламеева Тамара Барысаўна // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — С. 14. — 10 000 экз. — ISBN 985-11-0035-8. — ISBN 985-11-0090-0 (т. 4).

Спасылкі

• Варфаламеева Т. Б. // ЭТНАЎСЁ — медыятэка па этнаграфіі Беларусі