Таццяна Аляксандраўна Раманава
Таццяна Аляксандраўна Рама́нава[1] (англ.: Татьяна Александровна Романова нар. 13 красавіка 1925) — вучоны ў галіне глебазнаўства, доктар біялагічных навук (1979), прафесар (1989), Заслужаны дзеяч навукі БССР (1981).
Таццяна Аляксандраўна Раманава | |
---|---|
Дата нараджэння | 13 красавіка 1925 (99 гадоў) |
Месца нараджэння | |
Грамадзянства | |
Род дзейнасці | вучоная |
Навуковая сфера | глебазнаўства |
Месца працы | |
Навуковая ступень | доктар біялагічных навук (1979) і доктар біялагічных навук |
Навуковае званне | |
Альма-матар |
|
Прэміі | |
Узнагароды |
Біяграфія правіць
Нарадзілася ў горадзе Невель. Скончыла 4 класы школы, і бацькі адвязлі яе ў Маскву, дзе працягвала адукацыю. Вялікая Айчынная вайна застала Т. А. Раманаву ў Смаленскай вобласці, дзе яна была на канікулах. Пасля вызвалення Смаленскай вобласці ў верасні 1943 года была прызвана ў Чырвоную Армію ў якасці вольнанаёмнай служачай і знаходзілася на службе да жніўня 1944 года[2]. У 1945 годзе паступіла на геаграфічны факультэт Смаленскага педагагічнага інстытута, а ў 1946 годзе перавялася на другі курс завочнага аддзялення геаграфічнага факультэта Маскоўскага дзяржаўнага ўніверсітэта[2]. Адначасова з вучобай працавала выкладчыкам геаграфіі, гісторыі і чарчэння ў Сычоўскім раёне[2]. У 1950 годзе Т. А. Раманава пераязджае ў ў Мінск і працягвае вучобу на завочным аддзяленні геаграфічнага факультэта Беларускага дзяржаўнага ўніверсітэта, адначасова працуючы лабарантам у Інстытуце народнай гаспадаркі імя В. У. Куйбышава[2]. Беларускі дзяржаўны ўніверсітэт скончыла ў 1952 (у 1953[1]) годзе і пачала працу інжынерам-глебазнаўцам у у інстытуце «Белдзіправадгас»[2]. У 1955 годзе паступіла ў аспірантуру і ў 1962 годзе абараніла кандыдацкую дысертацыю. З 1958 года Т. А. Раманава ў Беларускім навукова-даследчым інстытуце глебазнаўства і аграхіміі, дзе ў 1968—1988 гадах займала пасаду загадчыка сектара.
Навуковая дзейнасць правіць
Т. А. Раманавай належаць навуковы працы па генезісе глеб і заканамернасцях фарміравання глебавага покрыва, яго структуры, неаднароднасці і эвалюцыі пад уплывам прыродных і антрапагенных фактараў. Займалася вывучэннем воднага рэжыму і вільготнасці глеб і інш. Пад яе кіраўніцтвам абаронены 15 кандыдацкіх дысертацый[2].
Узнагароды і званні правіць
- Медаль «За працоўную доблесць» (1966)
- Ордэн «Знак Пашаны» (1971)
- Ордэн Айчыннай вайны III ступені (1985)
- Медаль «У азнаменаванне 100-годдзя з дня нараджэння Уладзіміра Ільіча Леніна» (1970)
- Юбілейны медаль «40 гадоў Перамогі ў Вялікай Айчыннай вайне 1941—1945 гг.» (1985)
- Юбілейны медаль «70 гадоў Узброеных Сіл СССР» (1988)
- Юбілейны медаль «65 гадоў Перамогі ў Вялікай Айчыннай вайне 1941—1945 гг.» (2010)
- Медаль «Маршал Савецкага Саюза Жукаў» (1997)
- Бронзавы медаль ВДНГ СССР (1971)
- Дзяржаўная прэмія БССР у галіне навукі (1976)
- Заслужаны дзеяч навукі Беларускай ССР (1981)
Зноскі
- ↑ а б БелЭн 2001.
- ↑ а б в г д е Татьяна Александровна Романова (К юбилею) (руск.) // Весці НАН Беларусі, № 2, 2010.
Літаратура правіць
- Раманва Таццяна Аляксандраўна // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 290. — 10 000 экз. — ISBN 985-11-0035-8. — ISBN 985-11-0216-4 (т. 13).
Спасылкі правіць
- Беларусь у асобах і падзеях: Раманава Таццяна Аляксандраўна // Нацыянальная бібліятэка Беларусі
- ТАТЬЯНА АЛЕКСАНДРОВНА РОМАНОВА (к 90-летиюсоднярождения) (руск.) // Почвоведение и агрохимия, № 1(54) Январь — июнь 2015 г. — С. 238—243.
- Татьяна Александровна Романова (К юбилею) (руск.) // Весці НАН Беларусі, № 2, 2010. Серыя аграрных навук. — С. 123—124.