Таісія Леанідаўна Хацановіч-Дарбінян

Таісія Леанідаўна Хацановіч-Дарбіня́н (20 кастрычніка 1952, Бабруйск — 4 лістапада 1995) — беларускі мастак.

Таісія Леанідаўна Хацановіч-Дарбінян
Лявон Дарбінян «Партрэт жонкі». 1996.
Дата нараджэння	20 кастрычніка 1952(1952-10-20)
Месца нараджэння	Бабруйск, Бабруйская вобласць, БССР, СССР
Дата смерці	4 лістапада 1995(1995-11-04) (43 гады)
Бацька	Леанід Антонавіч Хацановіч[d]
Муж	Лявон Дарбінян[d]
Род дзейнасці	мастачка
Вучоба	Беларускі дзяржаўны тэатральна-мастацкі інстытут (1976)
Член у	Беларускі саюз мастакоў

Біяграфія

Нарадзіліся ў сям’і мастака Леаніда Антонавіча Хацановіча. Мела сястру Людмілу, таксама мастачку. Скончыла ў 1976 годзе Беларускі тэатральна-мастацкі інстытут. З гэтага ж года ўдзельнічала ў мастацкіх выстаўках.

Член Беларускага саюза мастакоў з 1985 года.

Творчасць

Працавала ў дэкаратыўна-прыкладным мастацтве ў галіне ручнога ткацтва (габелен), а таксама ў акварэлі. Асноўныя творы — габелен-заслона «Нясвіж» у Палацы культуры г. Нясвіжа, габелены «Балярына», «Святочны нацюрморт», акварэлі «Касачы», «Сусана», «Нацюрморт з рамонкамі» і інш.

Сям’я

У шлюбе з мастаком Лявонам Дарбінянам.

Літаратура

• Строгіна, С. Хацановіч-Дарбінян Таісія Леанідаўна / Святлана Строгіна // Строгіна, С. Сучаснае выяўленчае мастацтва Магілёўшчыны : зборнік артыкулаў / Святлана Строгіна. — Мінск, 2009. — С. 165.
• Суслов, Д. Времен связующая кисть / Д. Суслов // Бобруйский курьер. — 1999. — 30 сентября. — С. 6.
• Таісія Леанідаўна Хацановіч-Дарбінян // Беларускі саюз мастакоў: энцыклапедычны даведнік / складальнік Б. А. Крэпак. — Мінск, 1998.

Спасылкі

• Таісія Леанідаўна Хацановіч-Дарбінян Архівавана 12 лістапада 2020.