Турынскі ўніверсітэт

Турынскі ўніверсітэт (італ.: Università degli Studi di Torino) — універсітэт у горадзе Турын у рэгіёне П’емонт на паўночным захадзе Італіі. Адзін з найстарэйшых універсітэтаў Еўропы (адзін з найстарэйшых у гісторыі) і працягвае адыгрываць важную ролю ў навуковых даследаваннях і падрыхтоўцы спецыялістаў. Нязменна займае першае месца сярод 5 лепшых італьянскіх універсітэтаў і трэцяе месца па навукова-даследчай дзейнасці ў Італіі, паводле апошніх звестак ANVUR.

Турынскі ўніверсітэт (UNITO)
Заснаваны	1404
Тып	дзяржаўны
Рэктар	Gianmaria Ajani[d]
Студэнты	67 000 (2006/2007 навучальны год)
Сайт	unito.it
Медыяфайлы на Вікісховішчы

Універсітэт быў заснаваны у 1404 годзе па ініцыятыве савойскіх графаў; зацвердзіў стварэнне універсітэта «Авіньёнскага папа» Бенедыкт XIII. З-за палітычнай нестабільнасці універсітэт некаторы час працаваў у К’ер (1427—1434) і Савільяна (1434—1436). У сярэдзіне XVI стагоддзя універсітэт часова не працаваў з-за французскай акупацыі. У 1799—1800 гадах універсітэт быў рэарганізаваны па французскім узоры, а неўзабаве рэктар стаў прызначацца Напалеонам, у гэты час універсітэт быў другім па велічыні ў імперыі Напалеона. Пасля вяртання да ўлады Савойскай дынастыі французскія новаўвядзенні былі адмененыя. Пасля пераносу сталіцы аб’яднанай Італіі з Турына ў Фларэнцыю ў 1865 годзе ўніверсітэт пакінула частка прафесуры. У другой палове XIX стагоддзя ў універсітэце склалася моцная школа медыцыны; прафесары ўніверсітэта зрабілі шмат для прапаганды гігіены і развіцця грамадскай аховы здароўя ў Італіі. У 1905 годзе ва ўніверсітэце была адкрыта першая ў Італіі кафедра псіхалогіі.

Факультэты

Універсітэт ўключае 12 факультэтаў:

• Аграрны
• Ветэрынарны
• Замежных моў і літаратур
• Гуманітарных навук
• Матэматыкі, фізікі і прыродазнаўчых навук
• Медыцынскі
• Педагагічны
• Паліталогіі
• Псіхалогіі
• Фармацэўтычны
• Юрыдычны
• Эканамічны

Універсітэт таксама мае некалькі філіялаў у паўночна-заходняй частцы Італіі.

Выбітныя выпускнікі і выкладчыкі

• Рыта Леві-Мантальчыні
• Чэзарэ Ламброза
• Джавані Вірджыніа Скіяпарэлі
• Умбэрта Эка
• Франка Вентуры

Гл. таксама

• Турынская нацыянальная ўніверсітэцкая бібліятэка

Спасылкі

• На Вікісховішчы ёсць медыяфайлы па тэме Турынскі ўніверсітэт