Уладзімір Пятровіч Нісцюк
Уладзімір Пятровіч Нісцюк (нар. 15 мая 1950, г. Багародск, Горкаўская вобласць — 15 лістапада 2023) — беларускі палітык, прадпрымальнік у галіне альтэрнатыўнай энергетыкі.
| Уладзімір Пятровіч Нісцюк | |||||||
|---|---|---|---|---|---|---|---|
|
|||||||
| Нараджэнне |
15 мая 1950 |
||||||
| Смерць | 15 лістапада 2023 (73 гады) | ||||||
| Партыя | |||||||
| Адукацыя | |||||||
| Месца працы | |||||||
Біяграфія правіць
Нарадзіўся 15 мая 1950 года ў горадзе Багародск Горкаўскай вобласці. З 1957 г навучаўся ў СШ № 2 гарады Дзяржынска. Затым паступіў у Мінскае сувораўскае вучылішча. Пасля заканчэння вучылішчы працягнуў вучобу ў Новасібірскім вышэйшым ваенна-палітычным вучылішчы, а затым у Ваенна-палітычнай Акадэміі ў Маскве. Служыў у 1968—1992 гадах у Узброеных Сілах СССР[1]. Падпалкоўнік запасу, ваенны перакладчык нямецкай мовы[2].
У 1992—1993 гадах працаваў першым намеснікам старшыні кіравання Гродзенскага абласнога таварыства «Веды», у 1993—1994 гадах вядучым кантралёрам інспекцыі Кантрольнай палаты Рэспублікі Беларусь па Гродзенскай вобласці, у 1994—1995 гадах выконваў абавязкі начальніка ўпраўлення кантролю органаў выканаўчай улады Службы кантролю Адміністрацыі Прэзідэнта Рэспублікі Беларусь, у 1995—1996 гадах віцэ-прэзідэнт, выканаўчы дырэктар Беларускай асацыяцыі «Дзелавая ініцыятыва»[1].
Дэпутат Вярхоўнага Савета Рэспублікі Беларусь 13 склікання, намеснік старшыні Камісіі па правах чалавека, нацыянальных пытаннях, СМІ, адносінах з рэлігійнымі і грамадскімі аб’яднаннямі[1]. Падтрымаў імпічмент Аляксандру Лукашэнку[2]. Старшыня Апякунскага Савета дабрачыннага фонду выпускнікоў сувораўскіх і нахімаўскіх вучылішчаў «Выратаванае пакаленне»[1].
Сябра Беларускай сацыял-дэмакратычнай партыі, намеснік старшыні партыі. У 2008 г. пасля вызвалення з турмы Аляксандра Казуліна разам з Аляксеем Каралём, Вольгай і Аляксандрам Казуліным пакінуў партыю праз канфлікт з абраннем старшынёй БСДП Анатоля Ляўковіча. Пасля гэтага адышоў ад палітыкі і займаўся развіццём альтэрнатыўнай энергетыкі[2].
У 2009 годзе стаў адным з ініцыятараў і арганізатараў стварэння Асацыяцыі «Узнаўляльная энергетыка», у якой з моманту стварэння ў верасні 2009 года з’яўляўся нязменным выканаўчым дырэктарам. У 2014 годзе абараніў ступень доктара філасофіі МАІТ у галіне інфармацыйных тэхналогій (узнаўляльная энергетыка)[1].
Памёр 15 лістапада 2023 года[2].