ФК Рэдынг
«Рэдынг» (англ.: Reading FC) — англійскі футбольны клуб, які базуецца ў горадзе Рэдынг. Выступае ў Чэмпіёншыпе. Клуб мае даўнюю мянушку «Роялз» (англ.: Royals), у сувязі з размяшчэннем у Каралеўскім графстве Беркшыр. «Рэдынг» быў заснаваны ў 1871 годзе, такім чынам клуб з’яўляецца адной з найстарэйшых каманд у Англіі, але ён не далучаўся да Футбольнай лігі да 1920 года, і ніколі не гуляў у вышэйшай лізе англійскай футбольнай сістэмы да сезона 2006/07.
| Рэдынг | |||
|---|---|---|---|
| Поўная назва | Reading Football Club | ||
| Мянушкі | Роялз | ||
| Заснаваны | 1871 | ||
| Горад | Рэдынг, Англія | ||
| Стадыён |
Мадэйскі Умяшчальнасць: 24 224 |
||
| Уладальнік | Дай Ёнгэ[d] | ||
| Прэзідэнт | Джон Мадэйскі[d] | ||
| Галоўны трэнер | |||
| Чэмпіянат | Чэмпіёншып | ||
| 2021/22 | 21 месца | ||
| Сайт | Афіцыйны сайт | ||
| |||
Хатнія матчы клуб праводзіў на стадыёне «Элм Парк», які налічвае 102 гады існавання. Аднак у 1998 годзе «Рэдынг» пераехаў на новы стадыён «Мадэйскі», які быў названы ў гонар старшыні клуба сэра Джона Мадэйскі.
Гісторыя правіць
Гады аматарства правіць
Заснаваны ў 1871 годзе футбольны клуб «Рэдынг», у пачатку сваёй гісторыі прымаў удзел толькі ў кубкавых матчах і таварыскіх сустрэчах. Першы ўдзел клуба ў Кубку Англіі адбыўся ў 1890 годзе. Выступленні клуба ў нацыянальным кубку былі вельмі няўдалымі, а ў 1894 годзе каманда была зганьбавана зневажальнай паразай, «Рэдынг» быў разгромлены клубам «Прэстан Норт Энд»» з лікам 0:18 ужо ў першым раўндзе турніру. У тым жа годзе «Рэдынг» атрымаў права прымаць удзел у чэмпіянаце Паўднёвай лігі. Толькі праз год клуб атрымаў прафесійны статус.
Першая палова XX стагоддзя правіць
У першыя гады XX стагоддзя каманда знаходзілася ў падвале англійскай Футбольнай лігі. Толькі ў сезоне 1920/21 каманда апынулася ў складзе трэцяга дывізіёну, у выніку ўключэння ў яго Паўднёвай лігі. Праз пяць гадоў, у 1926 годзе, камандзе ўдалося дамагчыся поспеху і перамагчы ў чэмпіянаце гэтага дывізіёну, а ў наступным 1927 годзе каманда дайшла да паўфіналу Кубка Англіі. Гэта дасягненне да сённяшняга дня з’яўляецца рэкордным для клуба ў нацыянальным кубку. У 1931 годзе клуб зноў апынуўся ў трэцім дывізіёне, у якім выступаў усе 1930-я гады, да пачатку Другой сусветнай вайны. Пасля вайны, у верасні 1946 года, «Рэдынг» атрымаў самую буйную перамогу ў сваёй гісторыі, каманда разграміла «Крыстал Пэлас» з лікам 10:2.
Спасылкі правіць
На Вікісховішчы ёсць медыяфайлы па тэме ФК Рэдынг- Афіцыйны сайт (англ.)
