Фам Ван Донг

Фам Ван Донг (в’етн.: Phạm Văn Đồng; 1 чэрвеня 1906, правінцыя Куангнам, Французскі Індакітай  — 29 красавіка 2000, Ханой, В’етнам) — в’етнамскі дзяржаўны дзеяч. Прэм’ер-міністр В’етнама (1955—1987).

Фам Ван Донг
в’етн.: Phạm Văn Đồng
1-ы Старшыня Савета Міністраў Сацыялістычнай Рэспублікі В’етнам 2 ліпеня 1976 — 18 чэрвеня 1987
Прэзідэнт	Тон Дык Тханг Нгуен Хыу Тхо Чыёнг Цінь
Папярэднік	пасада заснавана
Пераемнік	Фам Хунг
2-і Прэм’ер-міністр Дэмакратычнай Рэспублікі В’етнам 20 верасня 1955 — 2 ліпеня 1976
Прэзідэнт	Ха Шы Мін Тон Дык Тханг
Папярэднік	Ха Шы Мін
Пераемнік	пасада скасавана
Міністр замежных спраў Дэмакратычнай Рэспублікі В’етнам 1955 — 1961
Міністр фінансаў Дэмакратычнай Рэспублікі В’етнам 1945 — ?
Нараджэнне	1 сакавіка 1906(1906-03-01)[…] Куангнгай, В’етнам
Смерць	29 красавіка 2000(2000-04-29)[…] (94 гады) Ханой, В’етнам
Партыя	Камуністычная партыя В’етнама
Адукацыя	Lycée Albert Sarraut[d]
Дзейнасць	палітык
Бітвы	вайна ў В’етнаме
Узнагароды
Медыяфайлы на Вікісховішчы

Біяграфія

Нарадзіўся 1 чэрвеня 1906 года ў правінцыі Куангнам Французскага Індакітая (цяпер В’етнам).

Вучыўся ў Ханойскім універсітэце. З[1925 года — член Таварыства рэвалюцыйнай моладзі В’етнама, з 1929 года — член яго ЦК. У 1929 годзе арыштаваны французскімі ўладамі, у 1930 годзе ў турме далучыўся да Камуністычнай партыі Індакітая (КПІК, з 1951 — Партыя працоўных В’етнама, ППВ; з 1976 — Камуністычная партыя В’етнама, КПВ).

У 1941—1945 гадах удзельнічаў ва ўзброенай антыяпонскай барацьбе. З 1945 года — міністр фінансаў Часовага ўрада Дэмакратычнай Рэспублікі В’етнам (ДРВ), з 1946 года — надзвычайны прадстаўнік КПІК у Паўднёвым В’етнаме. З 1951 года — член Палітбюро ЦК ППВ—КПВ.

У 1949—1954 гадах — намеснік Прэм’ер-міністра Дэмакратычнай Рэспубліка В’етнам Ха Шы Міна, у 1955—1961 гадах — міністр замежных спраў ДРВ. З 1955 года — прэм’ер-міністр ДРВ, пасля аб’яднання краіны (1976) — Сацыялістычнай Рэспублікі В’етнам. У 1986 годзе падаў у адстаўку з усіх партыйных, у 1987 годзе — з дзяржаўных пасад.

Памёр 29 красавіка 2000 года ў Ханоі.

Літаратура

• Фам Ван Донг // Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — 576 с. — 10 000 экз. — ISBN 985-11-0035-8. — ISBN 985-11-0263-6 (т. 16).