Франкскае каралеўства Бургундыя
Каралеўства Бургундыя — франкскае каралеўства, якое ўзнікла ў выніку распаду Франкскай дзяржавы пры Меравінгах у 561 годзе. Тэрыторыя прыкладна адпавядала старажытнаму каралеўству бургундаў з даданнем Праванса.
Гісторыя правіць
У 534 годзе франкскія каралі Хільдэберт I і Хлотар I ізноў уварваліся ў каралеўства бургундаў, разбілі бургундаў у бітве пад Ацёнам і аблажылі гэты горад, у якім схаваўся Гадамар II. Далейшы лёс бургундскага караля невядомы.
Франкскія каралі Хільдэберт I, Хлотар I і Тэадэберт I падзялілі яго каралеўства паміж сабой. Хільдэберту дасталіся Ліён, В’ен і Жэнева, Хлотару — паўднёвая частка Бургундскай дзяржавы паміж Валансам, Авіньёнам і Амбрэнам, Тэадэберту — Ацён, Шалон-на-Соне, Лангр, Аванш, Віўе, Сітан, Невер і Безансон. Да 558 года Хлотар I атрымаў у спадчыну ўсе ўладанні братоў, у тым ліку і Бургундыю.
Пасля смерці Хлотара ў 561 годзе яго ўладанні былі падзелены паміж сынамі. Адзін з сыноў, Гунтрамн, атрымаў Бургундскае каралеўства, куды ўвайшла ўся тэрыторыя бургундаў, ад Соны і Вагезаў, да Альпаў і марскога берага, частка Праванса і былое каралеўства Арлеанскае (за выключэннем яго заходняй часткі, гэта значыць гарадоў Шартр, Тур, Пуацье, якія адышлі да Харыберту I). Пазней Бургундыя то атрымлівала самастойнасць, то далучалася да адной з частак Франкскай дзяржавы — Аўстразіі або Нейстрыі. Канчаткова Бургундыя была далучана да франкскага каралеўства ў 721 годзе.
Спіс каралёў Бургундыі правіць
- 561—592 : Гунтрамн
- 592—595 : Хільдэберт II
- 595—613 : Тэадорых II
- 613—613 : Сігіберт II
- 613—629 : Хлотар II
- 629—639 : Дагаберт I
- 639—658 : Хлодвіг II
- 658—673 : Хлотар III
- 673—673 : Тэадорых III
- 673—675 : Хільдэрык II
- 675—691 : Тэадорых III (другі раз)
- 691—695 : Хлодвіг IV
- 695—711 : Хільдэберт III
- 711—715 : Дагаберт III
- 715—721 : Хільперык II
- 721—737 : Тэадорых IV
- 743—751 : Хільдэрык III