Харытон Пракопавіч Лапцеў

Харытон Пракопавіч Лапцеў (руск.: Харито́н Проко́фьевич Ла́птев, 1700 — 1763) — расійскі даследчык Арктыкі. Капітан 1-га рангу. Стрыечны брат Дз. Я.Лапцева.

Харытон Пракопавіч Лапцеў
Род дзейнасці	падарожнік-даследчык, ваенны
Дата нараджэння	1700
Месца нараджэння	Вялікія Лукі, Велікалуцкі павет[d], Маскоўская дзяржава
Дата смерці	21 снежня 1763(1763-12-21) ці 1763
Месца смерці	Вялікія Лукі, Велікалуцкі павет[d], Вялікалуцкая правінцыя[d], Наўгародская губерня, Расійская імперыя
Грамадзянства	Расійская імперыя
Альма-матар	Naval Guard Academy[d]
Прыналежнасць	Расійская імперыя

На флоце з 1718 года. У 1739-42 гадах кіраваў адным з паўночных атрадаў Другой Камчацкай экспедыцыі, правёў пры ўдзеле С. І. Чэлюскіна, Н.Чэкіна і Г.Мядзведзева апісанне паўвострава Таймыр паміж вусцямі рэк Хатанга і Пясіна, адкрыў і апісаў некаторыя бліжэйшыя астравы. Па заканчэнні экспедыцыі служыў на Балтыйскім флоце. Імем Лапцева названы: марскі бераг на паўвостраве Таймыр, мыс на паўвостраве Чэлюскін і інш.; у гонар Х. П. і Дз. Я.Лапцевых названа мора Лапцевых.

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).