Хачапуры

Хачапуры (груз. ხაჭაპური) — страва грузінскай кухні, грузінскі нацыянальны мучны выраб, адкрыты пірог з сырам.

Аўтарства
Краіна паходжання	Грузія
Кампаненты
Асноўныя	сыр хлеб курынае яйка[d]
Медыяфайлы на Вікісховішчы

Грузінскае (імерэцінскае) хачапуры

Аджарскае хачапуры

Паходжанне назвы і разнавіднасці

Назва хачапуры паходзіць ад грузінскіх слоў «тварог» (хачо) і «хлеб» (пуры), і тыповая, імаверна, менавіта для заходне-грузінскай вобласці Імерэція.

Ёсць мноства відаў хачапуры — амаль у кожным грузінскім сяле хачапуры гатуюць па сваім асобным рэцэпце.

Самыя вядомыя грузінскія хачапуры:

• імерэцінскае хачапуры — традыцыйнае хачапуры круглай формы;
• аджарскае хачапуры — таксама называецца ачарулі ці аджарулі, і адрозніваецца тым, што выпякаецца падоўжанай формы, а на сярэдзіну высаджваюць яйка;
• мінгрэльскае і абхазскае хачапуры — вядома пад назвай ачма;
• сванскае хачапуры;
• рачульскае хачапуры.

Хачапуры вядома таксама ў Арменіі, дзе яго выпякаюць з слоенага цеста у форме канверта.

Апісанне

Хачапуры — булачка рознай формы з вялікім змяшчэннем сыру: яго ў хачапуры прыкладна ўдвая больш па вазе за муку. Часта цеста для хачапуры абсалютна прэснае, а акрамя абавязковага сыру (свежы або вытрыманы, часта авечы, напрыклад сулугуні), у склад стравы могуць уваходзіць яйкі (напрыклад, у аджарскім хачапуры) і іншыя інгрэдыенты. Вонкава хачапуры нагадваюць буйныя ватрушкі. Памеры хачапуры звычайна адпавядаюць памерам патэльняў, на якіх іх гатуюць. Выпякаюць іх на вуглях, або наплітным спосабам на ўмераным агні. Для начынкі ў хачапуры ўжываюць сыры — імерэцінскі, чанах, кабійскі, брынзу.

Цікавыя факты

У верасні 2011 года ўлады Грузіі аформілі патэнт на хачапуры і 29 іншых страў нацыянальнай кухні.

Гл. таксама

• Хінкалі

Спасылкі

• На Вікісховішчы ёсць медыяфайлы па тэме Хачапуры