Хуга ван дэр Гус
Хуга ван дэр Гус (нідэрл.: Hugo van der Goes; каля 1420-25, Гент — 1482, Адэргем) — фламандскі мастак, якога Альбрэхт Дзюрэр лічыў найбуйнейшым прадстаўніком ранненідэрландскага жывапісу, разам з Янам ван Эйкам і Рагірам ван дэр Вейдэнам.
| Хуга ван дэр Гус | |
|---|---|
 | |
| Дата нараджэння | каля 1440[1][2][…] |
| Месца нараджэння | |
| Дата смерці | 1482[1][2][…] |
| Месца смерці | |
| Грамадзянства | |
| Род дзейнасці | мастак, рысавальнік, дзеяч мастацтваў, history painter, мініяцюрыст |
| Мастацкі кірунак | Ранні нідэрландскі жывапіс[d] |
| Уплыў на | Aert van den Bossche[d][3][7] і Хуан дэ Фландэс[3] |
 Медыяфайлы на Вікісховішчы | |
Творчасць правіць
Працягнуў мастацкія традыцыі нідэрландскага жывапісу першай паловы XV ст. Мастацкая дзейнасць разнастайная. У яго ранніх работах прасочваецца ўплыў Баўтса.
Удзельнічаў як дэкаратар ва ўпрыгожванні горада Бругэ з нагоды вяселля ў 1468 герцага Бургундыі Карла Смелага і Маргарыты Ёркскай, пазней у афармленні урачыстасцяў у горадзе Генце з нагоды ўезду ў горад Карла Смелага і новай графіні Фландрскай у 1472 годзе. Відавочна яго роля ў гэтых работах была вядучай, бо па захаваных дакументах ён атрымаў вялікую плату чым астатнія мастакі. Творчая біяграфія мае мноства невыразнасцяў і прабелаў, бо ніводная з карцін не датавалася мастаком і не падпісвалася.
Самы вядомы твор — вялікі алтарны абраз «Пакланенне пастухоў», або «Алтар Парцінары», які быў напісаны каля 1475 па замове Тамаза Парцінары — прадстаўніка банка Медычы ў Бругэ — і аказаў глыбокі ўплыў на фларэнційскіх жывапісцаў: Даменіка Гірландая, Леанарда да Вінчы і інш.
Зноскі
- ↑ а б Hugo van der Goes — 2009.
- ↑ а б Hugo van der Goes // RKDartists Праверана 9 кастрычніка 2017.
- ↑ а б в г RKDartists Праверана 20 лютага 2019.
- ↑ Union List of Artist Names Праверана 20 лютага 2019.
- ↑ http://balat.kikirpa.be/peintres/Detail_notice.php?id=5440 Праверана 21 лютага 2019.
- ↑ Artnet — 1998. Праверана 21 лютага 2019.
- ↑ ECARTICO Праверана 21 лютага 2019.
Спасылкі правіць
На Вікісховішчы ёсць медыяфайлы па тэме Хуга ван дэр Гус
