Цвінгер

Цвінгер (ням.: Zwinger) — адно з самых прыгожых месцаў у Дрэздэне, уяўляе сабой комплекс з чатырох будынкаў. Назва паходзіць ад яго месцазнаходжання, у сярэднявеччы цвінгерам называлі частку крэпасці паміж вонкавай і ўнутранай крапаснымі сценамі. Першы будынак Дрэздэнскага цвінгера быў узведзены паміж крапаснымі сценамі горада. Цяпер тут знаходзяцца розныя музеі, сярод якіх найбольш вядомая Дрэздэнская карцінная галерэя.

Цвінгер з вышыні птушынага палёту. На заднім плане Эльба і опера Земпера, на пярэднім драматычны тэатр.

Пачатак быў пакладзены ў 1709 г., калі было збудавана драўлянае збудаванне, падобнае на амфітэатр. Яно атачала плошчу, на якой саксонскае дваранства праводзіла свае святы і турніры. З каменя, у стылі барока, тры бакі Цвінгера былі пабудаваныя да 1732 года нямецкім архітэктарам Матэўсам Даніэлем Пёпельманам. Чацвёрты бок архітэктурнага ансамбля, спраектаваны Готфрыдам Земперам, быў узведзены ў 1847-55 гадах.

Музеі Цвінгера

• Дрэздэнская карцінная галерэя (Галерэя старых майстроў)
• Дрэздэнская зброевая палата
• Фізіка-матэматычны салон
• Музей фарфору
• Музей скульптуры
• Музей мінералогіі і геалогіі

Галерэя

• 
  «Брама пад каронай», правы бок - музей фарфору, левы - музей мінералогіі
• 
  Выхад на тэатральную плошчу з помнікам каралю Іагану
• 
  Французскі павільён
• 
  Скульптурная група верхняй часткі французскага павільёна
• 
  Від на галерэю Земпера з «Брамы пад каронай»
• 
  Від на карону з даху музея фарфору
• 
  Скульптура на даху музея фарфору
• 
  Фантан «Купальня німфаў». Скульптар - Бальтазар Пермозер

Літаратура

• Hubert Georg Ermisch: Der Dresdner Zwinger. (Schriften des Instituts für Theorie und Geschichte der Baukunst der Deutschen Bauakademie) Dresden (Sachsenverlag) 1953 (ням.)

Спасылкі

• На Вікісховішчы ёсць медыяфайлы па тэме Цвінгер