Цімафей Іванавіч Святлічны

Цімафей Іванавіч Святлі́чны (1 мая 1917 — 26 чэрвеня 1944) — удзельнік Вялікай Айчыннай вайны, Герой Савецкага Саюза (1945).

Цімафей Іванавіч Святлічны
укр.: Тимофій Іванович Світличний
Дата нараджэння	1 мая 1917(1917-05-01)
Месца нараджэння	Світлычнэ[d], Харкаўскі павет[d], Харкаўская губерня, Расійская імперыя
Дата смерці	26 чэрвеня 1944(1944-06-26) (27 гадоў)
Месца смерці	Кажамякі, Нямойтаўскі сельсавет, Сенненскі раён, Віцебская вобласць, БССР, СССР
Месца пахавання	Сенненскі раён Сянно
Грамадзянства	Украінская Народная Рэспубліка  Украінская дзяржава  СССР
Прыналежнасць	СССР
Гады службы	1940—1944
Званне	гвардыі сяржант
Бітвы/войны	Вялікая Айчынная вайна
Узнагароды і званні

Біяграфія

Ц. І. Святлічны нарадзіўся ў сяле Святлічнае Золачыўскага раёна Харкаўскай вобласці Украіны. Атрымаў пачатковую адукацыю. У Чырвонай Арміі з 1940 г. Падчас Вялікай Айчыннай вайны на фронце з 1942 года. Удзельнік Курскай бітвы, вызвалення Смаленскай вобласці, Беларусі.

Разлік «кацюшы» 3-га гвардзейскага мінамётнага палка (3-і гвардзейскі кавалерыйскі корпус, 3-і Беларускі фронт) пад камандаваннем гвардыі сяржанта Ц. Святлічнага асабліва вызначыўся 26 чэрвеня 1944 г. каля вёскі Кажамякі Сенненскага раёна Віцебскай вобласці. На пераправе праз раку Абалянка батарэя рэактыўных мінамётаў на працягу 6 гадзін вяла бой з праціўнікам, які спрабаваў вырвацца з «віцебскага катла», знішчыла 13 аўтамашын, 4 гарматы, звыш 500 салдат. Баявы экіпаж рэактыўнай устаноўкі ў складзе Ц. І. Святлічнага, П. І. Назаранкі, С. Д. Барадуліна загінуў у гэтым баі.

Гераічны разлік быў пахаваны на месцы бою каля вёскі Кажамякі. У 1959 годзе астанкі воінаў перазахаваны ў брацкай магіле ў горадзе Сянно.

Узнагароды

• Медаль «Залатая Зорка» (пасмяротна, 24.03.1945)
• Ордэн Леніна
• Ордэн Айчыннай вайны 2-й ступені
• Ордэн Чырвонай Зоркі

Памяць

• Помнікі на месцы бою і ў горадзе Сянно
• Імем Героя названа адна з вуліц Сянно
• Бюсты Героя ў пасёлку гарадскога тыпу Золачыў і на радзіме ў сяле Святлічнае
• Імя Героя навечна занесена ў спіс воінскай часткі

Літаратура

• Святлічны Цімафей Іванавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 278. — 10 000 экз. — ISBN 985-11-0035-8. — ISBN 985-11-0238-5 (т. 14).
• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.

Спасылкі

• Светличный, Тимофей Иванович на сайце «Героі краіны»
• Святлічны Цімафей Іванавіч на сайце анлайн-энцыклапедыі «Беларусь у асобах і падзеях»
• Узнагародны ліст у электронным банку дакументаў «Подзвіг Народа»
• Узнагародны ліст у электронным банку дакументаў «Подзвіг Народа»