Ціхаакіянскі флот ВМФ ЗША
Ціхаакіянскі флот ВМС ЗША разам з Атлантычным флотам ВМС ЗША з'яўляецца адным з асноўных аператыўна-стратэгічных аб'яднанняў ваенна-марскіх сіл ЗША. Флот прызначаны для вырашэння важных дзяржаўных ваенна-палітычных задач у Азіяцка-Ціхаакіянскім рэгіёне. У зону яго адказнасці ўваходзіць амаль уся акваторыя Ціхага і Індыйскага акіянаў (ад Заходняга ўзбярэжжа ЗША да ўсходніх берагоў Афрыкі), а таксама частка арктычнага басейна агульнай плошчай больш за 100 мільёнаў квадратных міль.
