Шанцаванне
Шанцаванне — пазітыўна ўспрымаемая падзея, якая ўзнікла ў выніку выпадковага, непрадказальнага збегу акалічнасцяў ці збегу, які не ўлічваецца. Таксама можа пазначаць пажаданы зыход якой-небудзь падзеі ці дзеяння, асабліва ў сітуацыях, калі ён не (цалкам) залежыць ад дзеянняў або рашэнняў закранутай асобы. Прыкладамі шанцавання могуць быць выйгрыш у латарэю, рулетку ці іншую азартную гульню. Шанцаванне з’яўляецца матывам, які часта выкарыстоўваецца ў мастацтве.
Сімвалы шанцавання правіць
Паколькі падзеі, якія можна ахарактарызаваць як шанцаванне, для большасці людзей з’яўляюцца жаданымі і чаканымі, існуе мноства розных знакаў, якія яе ўвасабляюць. Сімваламі шанцавання лічацца чатырохлістая канюшына, падкова, камінар або божая кароўка. У многіх краінах сімвалам шанцавання таксама з’яўляецца свіння, што выяўляецца, у прыватнасці, у найбольш папулярным выглядзе для капілак — выглядзе свінні.