Шарль Фердынанд Рамю
Шарль Фердынанд Рамю, Шарль Фердынан Рамюз (фр.: Charles Ferdinand Ramuz, 24 верасня 1878, Лазана — 23 мая 1947, там жа) — швейцарскі пісьменнік, пісаў на французскай мове.
| Шарль Фердынанд Рамю | |
|---|---|
| фр.: Charles Ferdinand Ramuz | |
 | |
| Асабістыя звесткі | |
| Дата нараджэння | 24 верасня 1878[1][2][…] |
| Месца нараджэння | |
| Дата смерці | 23 мая 1947[3][1][…] (68 гадоў) |
| Месца смерці | |
| Пахаванне | |
| Грамадзянства | |
| Жонка | Cécile Cellier[d] |
| Альма-матар | |
| Прафесійная дзейнасць | |
| Род дзейнасці | пісьменнік, паэт, лібрэтыст |
| Мова твораў | французская |
| Грамадская дзейнасць | |
| Член у | |
| Прэміі | |
| fondation-ramuz.ch (фр.) | |
 Медыяфайлы на Вікісховішчы | |
Біяграфія правіць
З сям'і гандляроў. Скончыў філасофскі факультэт Лазанскага ўніверсітэта (1901). Даваў прыватныя ўрокі ў Веймары. Дэбютаваў кнігай вершаў Вёсачка (1903), у 1905 апублікаваў першы раман Аліна. У 1903-1914 жыў у Парыжы, пазнаёміўся з Андрэ Жыдам. Вярнуўшыся ў Швейцарыю, выдаваў часопіс «Вадуазскія сшыткі». У 1915 пасябраваў з Ігарам Стравінскім, напісаў лібрэта для яго оперы Гісторыя салдата (1918). Найбольш вядомы сваімі раманамі, якія высока шанавалі А.Жыд, Както, Кладэль, Стэфан Цвейг, Хуан Рульфа і шматлікія з якіх былі экранізаваны.
Выбраныя кінаэкранізацыі правіць
- 1934 — Выкраданне (Дзімітрый Кірсанаў, Рамю сыграў у ім эпізадычную ролю)
- 1966 — Замучаны (Клод Гарэта)
- 1967 — Аліна (Франсуа Веерганс)
- 1987 — Калі сонца не ўзыдзе (Клод Гарэта)
- 1999 — Вайна ў гарах (Франсіс Рэсер)
Па творах Рамю зняты таксама шэраг тэлевізійных фільмаў. Найбольш часта экранізавалася Гісторыя салдата (у прыватнасці, вядомая стужка, знятая па балетнай пастаноўцы Іржы Кіліяна).
Спадчына правіць
Шматлікае з напісанага Рамю апублікавана толькі пасля яго смерці. У наш час у Швейцарыі дзейнічае Фонд Рамю, уручаецца прэмія яго імя. У 2005 усё 24 рамана пісьменніка ўвайшлі ў двухтомнік, апублікаваны ў прэстыжнай серыі французскага выдавецтва Галімар Бібліятэка Плеяды.
Прызнанне правіць
Прэмія Рамбера (1912, 1923). Шматлікія месцы ў Швейцарыі носяць імя пісьменніка. Выяўлены на купюры 200 швейцарскіх франкаў.
Зноскі
- ↑ а б Charles-Ferdinand Ramuz // Encyclopædia Britannica Праверана 9 кастрычніка 2017.
- ↑ Itaú Cultural C. F. Ramuz // Enciclopédia Itaú Cultural — São Paulo: Itaú Cultural, 2001. — ISBN 978-85-7979-060-7 Праверана 9 кастрычніка 2017.
- ↑ Рамю Шарль Фердинанд // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969. Праверана 28 верасня 2015.
- ↑ https://notrehistoire.ch/entries/P1bBk0Vg83E Праверана 4 лютага 2023.