Матылі ад сярэдніх да вельмі буйных памераў. Жылкаванне крылаў прымітыўнае. Афарбоўка разнастайная, пераважна бураватая або шэрая з сеткаватым малюнкам з дробных плям і рысачак. Хабаток кароткі — ротавы апарат недаразвіты. Імага не харчуецца і жыве за кошт запасу пажыўных рэчываў, назапашаных у стадыі лічынкі. Актыўныя на змярканні і ноччу[3].
Вусені даволі буйныя з некалькі пляскатай галавой і добра развітым ротавым апаратам, голыя, мясістыя, яркай афарбоўкі. Ксілафагі, вядуць схаваны лад жыцця, прагрызаюць хады ў ствалах дрэў або ў парастках і карані травяністых раслін. Развіццё доўжыцца 2-3 гады.
Зноскі
- ↑ а б Беларуская навуковая тэрміналогія: слоўнік лясных тэрмінаў. — Мінск: Інбелкульт, 1926. — Т. Вып. 8. — 80 с.
- ↑ Горностаев Г. Н. Насекомые СССР. — Москва: Мысль, 1970. — 372 с. — (Справочники-определители географа и путешественника).
- ↑ Определитель насекомых Дальнего Востока России. Т. V. Ручейники и чешуекрылые. Ч. 2 / под общ. ред. П. А. Лера. — Владивосток: Дальнаука, 1999. — 671 с. — ISBN 5-7442-0910-7.
